قازاقستاندا تەڭگە ەسىمدى قانشا ادام بار؟
استانا. قازاقپارات - 15-قاراشا - ۇلتتىق ۆاليۋتا كۇنى. اتاۋلى كۇنگە وراي قازاقستاندا تەڭگە ەسىمدى قانشا ادام بار ەكەنىن انىقتادىق.
تەڭگە ەسىمدىلەر
ۇلتتىق ستاتيستيكا بيۋروسىنىڭ مالىمەتتەرىنە سۇيەنسەك، قازاقستاندا تەڭگە ەسىمدى 12 ادام تىركەلگەن.
«قازاقستان بويىنشا ۇلتى قازاق 12 ادامنىڭ ەسىمى - تەڭگە»، - دەپ جازىلعان دەرەكتە.
ال «تەنگە» ەسىمدى 72 ادام بار.
اشىق دەرەككوز مالىمەتىنشە، تەڭگە - ورتاعاسىرلىق تۇرىكتەردىڭ «دەنگە» نەمەسە «تانگا» كۇمىس مونەتالارىنىڭ تاريحي اتاۋى. بۇل اتاۋدى اكادەميك ساۋىق تاكەجانوۆ ۇسىنعان.
اقشا ەسىمدىلەر
ۇلتتىق ستاتيستيكا دەرەكتەرى بويىنشا ەلىمىزدە اقشا ەسىمدى ۇلتى قازاق 3 ادام بار.
ەسكە سالايىق، بۇعان دەيىن ۇلتتىق بانك ءتوراعاسى تيمۋر سۇلەيمەنوۆ ءماجىلىس كۋلۋارىندا «دوللار باعامى تاعى وسە مە؟» دەگەن ساۋالعا جاۋاپ بەردى.
سونداي-اق ەكونوميست ساپارباي جوبايەۆ دوللار باعامىنا قاتىستى الداعى ۋاقىتتا قانداي وزگەرىستەر كۇتىپ تۇرعانىن ايتقان ەدى.
انىقتاما: تەڭگە - قازاقستان رەسپۋبليكاسىنىڭ ۇلتتىق ۆاليۋتاسى. 1992 -جىلى 27-تامىزدا ۇلتتىق بانك تەڭگە كۋپيۋراسىنىڭ ۇلگىلەرىن بەكىتتى. كەيىن سۋرەتشىلەر تيمۋر سۇلەيمەنوۆ، مەڭدىباي الين، اعىمسالى دۇزەلحانوۆ، قايروللا ابجالەلوۆتەر ۇلى بريتانياعا اتتاندى. 1992 -جىلى تەڭگە ديزاينىنداعى پورترەتتەر بەكىتىلدى. تەڭگە ۇلى بريتانيادا باسىلىپ شىقتى. 1993 -جىلى 15-قاراشادا اينالىسقا ەنگىزىلدى.
«ەگەمەن قازاقستان» گازەتى 1993 -جىلى 16-قاراشادا جاريالاعان سۋرەت/اشىق دەرەككوز
