قازاقستاندا پسيحولوگيالىق اۋىتقۋى بار قانشا ادام بارى انىقتالدى

استانا. KAZINFORM - دەنساۋلىق ساقتاۋ مينيسترلىگى Kazinform ساۋالىنا جولداعان جاۋابىندا پسيحولوگيالىق اۋىتقۋى بار قازاقستاندىقتار تۋرالى ستاتيستيكا دەرەكتەرىن ءمالىم ەتتى.

«1-ساۋىردەگى جاعداي بويىنشا قازاقستاندا پسيحولوگيالىق اۋىتقۋى بار، ءبىراق پسيحيكالىق بەلسەندى زات تۇتىنبايتىن 199672 ادام تىركەۋدە تۇر. بۇل ساناتتاعى ازاماتتاردىڭ كوبى قاراعاندى (1616,2 ادام)، قوستاناي (1523,5 ادام) جانە سولتۇستىك قازاقستان (1414,2 ادام) وبلىستارىندا تىركەلگەن» دەپ جازىلعان رەسمي جاۋاپتا.

ۆەدومستۆو مالىمەتىندە پسيحيكالىق اۋىتقۋى بار ادامداردى ەمدەۋ مەرزىمى ناۋقاستىڭ جاي-كۇيىنە بايلانىستى ەكەنى ايتىلعان.

«مۇنداي ادامدارعا مەديتسينالىق كومەك كورسەتۋ ءتارتىبى حالىقتىڭ دەنساۋلىعى جانە دەنساۋلىق ساقتاۋ جۇيەسى تۋرالى» كودەكستىڭ 167-بابىمەن جانە مەديتسينالىق كومەك ۇيىمداستىرۋ ستاندارتتارىمەن، مەديتسينالىق كومەك كورسەتۋ ەرەجەلەرىمەن، كلينيكالىق قاۋلىلارمەن رەتتەلەدى» دەلىنگەن مينيسترلىك جاۋابىندا.