قازاقستاندا سوتتالعاندار قانداي جۇمىستار ىستەيدى؟
استانا. KAZINFORM - قازاقستاندا قانشا سوتتالعان ادام جۇمىس ىستەيدى، ولاردىڭ جالاقىسى قانشا؟
Massaget.kz ءتىلشىسى انىقتادى.
تۇزەۋ مەكەمەلەرىندە قانشا ادام جۇمىس ىستەپ ءجۇر؟
قىلمىستىق-اتقارۋ جۇيەسى كوميتەتىنىڭ رەسمي جاۋابىنا سۇيەنسەك، قازىر قىلمىستىق-اتقارۋ جۇيەسى مەكەمەلەرىندە سوتتالعان 12528 ادام جۇمىسقا ورنالاستىرىلعان.
سوتتالعاندار قانداي جۇمىستار ىستەيدى؟
ق ا ج ك مالىمەتىنشە، سوتتالعاندار مەكەمەنىڭ ونەركاسىپتىك اۋماعىنا جۇمىسقا تۇرادى:
اعاش وڭدەۋمەن؛
اۆتوموبيلدەر جوندەۋمەن (ت ق ك)؛
مەتال كونسترۋكتسيالار دايىنداۋمەن؛
بەتون بۇيىمدار دايىنداۋمەن؛
قۇرىلىس ماتەريالدارىن دايىنداۋمەن؛
حالىق تۇتىناتىن تاۋارلاردى (سابىن، ويىنشىقتار، ماكاروندار، نان-توقاش) دايىنداۋمەن؛
تىگىن سەحتارىندا كيىم تىگۋمەن اينالىسادى.
قاۋىپسىزدىگى ارالاس مەكەمەلەردە جازاسىن وتەپ جۇرگەندەر شارۋاشىلىق قىزمەت كورسەتەدى، ياعني جيناۋ، تاماق دايىنداۋ، تاماق تاراتۋ جانە جوندەۋ جۇمىستارىمەن اينالىسادى.
قاۋىپسىزدىگى بارىنشا تومەن مەكەمەلەردە جازاسىن وتەپ جۇرگەندەر مەكەمەدەن تىس جەرلەردە جۇمىس ىستەۋگە قۇقىعى بار.
سوتتالعانداردىڭ جالاقىسى قانشا؟
ق ا ج ك جاۋابىنا سۇيەنسەك، سوتتالعانداردىڭ جالاقىسىن جۇمىس بەرۋشى شەشەدى.
«سوتتالعانداردىڭ ەڭبەكاقىسىنىڭ سوماسى بەلگىلەنگەن ەڭ تومەنگى جالاقى مولشەرىندە جانە ودان جوعارى»، - دەپ جازىلعان جاۋاپتا.
ايتا كەتەيىك، 2024-جىلعى ەڭ تومەنگى جالاقى مولشەرى - 85 مىڭ تەڭگە.
ال بۇعان دەيىن قاجك وكىلى قىلمىستىق-اتقارۋ جۇيەسىنىڭ كاسىپورىندارىنا نەمەسە بيزنەس يەلەرىنە جۇمىسقا تۇرعان ءبىر سوتتالۋشىنىڭ ورتاشا جالاقىسى 25 مىڭنان 200 مىڭ تەڭگەگە دەيىن جەتەتىنىن ايتتى.
ەسكە سالايىق، بۇعان دەيىن 24 جىلعا سوتتالعان بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ كولونيادا بوس جۇمىس ورنى بولماۋىنا بايلانىستى جۇمىس ىستەمەي جۇرگەنى حابارلاندى. ال ق ا ج ك ءتوراعاسى تەڭىزجان جانىبەكوۆ بۇرىنعى ۇلتتىق ەكونوميكا ءمينيسترى «ەڭبەك» ر م ك- عا اعاش جانە مەتال وڭدەۋ سالاسى بويىنشا جۇمىسقا ورنالاسا الاتىنىن ايتتى.
