قازاقستاندا ستۋدەنتتەردىڭ، ماگيسترانتتاردىڭ جانە دوكتورانتتاردىڭ ستيپەندياسى 1-قىركۇيەكتەن باستاپ كوبەيەدى

тестирование, студент
فوتو: سولتان جەكسەنبەكوۆ/kazinform

استانا. KAZINFORM - ق ر پرەمەر-ءمينيسترى ولجاس بەكتەنوۆ 2024 -جىلعى 1-قىركۇيەكتەن باستاپ كوللەدجدەر مەن ج و و ستۋدەنتتەرىنە ارنالعان ستيپەنديالاردى ارتتىرۋدى كوزدەيتىن ۇكىمەت قاۋلىسىنا قول قويدى.

ۇكىمەتتىڭ باسپا ءسوز قىزمەتىنىڭ حابارلاۋىنشا، كوللەدج ستۋدەنتتەرى ءۇشىن شاكىرتاقى %50 عا ارتىپ، جۇمىسشى ماماندىقتارى بويىنشا 43574 تەڭگەنى، ورتا بۋىن ماماندارى ءۇشىن 41896 تەڭگەنى قۇرايتىن بولادى.

باكالاۆريات ستۋدەنتتەرىنىڭ ستيپەندياسى %20 عا ارتىپ، 47135 تەڭگەگە دەيىن، ال پەداگوگيكا جانە مەديتسينا باعىتتارىنداعى ءبىلىم الۋشىلاردىڭ ستيپەندياسى 75600 تەڭگەگە دەيىن ۇلعايادى.

ينتەرناتۋرادا وقيتىندارعا ستيپەنديا 85376 تەڭگە، ال رەزيدەنتۋرادا - 123122 تەڭگە كولەمىندە تولەنەتىن بولادى.

ماگيسترانتتار مەن دوكتورانتتارعا ستيپەنديا %15 عا ۇلعايتىلادى، ونىڭ مولشەرى تيىسىنشە 107061 تەڭگەنى جانە 240000 تەڭگەنى قۇرايدى.

سونداي-اق 2025 -جىلعى 1-قىركۇيەكتە شاكىرتاقى باكالاۆريات ستۋدەنتتەرىنە %20 عا، ماگيسترانتتار مەن دوكتورانتتارعا %15 عا كوبەيەتىن بولادى.

جالپى، مەملەكەت باسشىسىنىڭ تاپسىرماسى بويىنشا 2020 -جىلدان باستاپ ستيپەنديانى كوبەيتۋ بويىنشا جوسپارلى جۇمىس جۇرگىزىلۋدە. سونىڭ ناتيجەسىندە 2025 -جىلعا قاراي جوو مەن كوللەدج ستۋدەنتتەرىنىڭ ستيپەندياسى ەكى ەسەگە، ماگيسترانتتار مەن دوكتورانتتار ءۇشىن 1,75 ەسەگە وسەدى.

اۆتور
ايدار وسپاناليەۆ

سوڭعى جاڭالىقتار