قازاقستاندا Starlink جابدىقتارىن زاڭدى تۇردە پايدالانۋ قاشان ىسكە اسادى
سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى Starlink قۇرالدارى مەن جابدىقتارىن زاڭداستىرۋ جوسپارى جايىندا تۇسىنىك بەردى، دەپ حابارلايدى Kazinform.
«ءماجىلىس دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بايلانىس، سيفرلاندىرۋ جانە اقپاراتتىق تەحنولوگيالار سالاسىنداعى ينۆەستيتسيالىق كليماتتى دامىتۋ جونىندە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا باستاماشىلىق جاسادى. مينيسترلىك وسى قۇجات اياسىندا گەوستاتسيونارلىق ەمەس سپۋتنيكتىك جۇيەلەر ارقىلى بايلانىس قىزمەتتەرىن ۇسىنۋدى ليتسەنزيالاۋ ءىس-شارالارىن جۇزەگە اسىرماق»، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.
بۇدان بۇرىن حابارلانعانداي، Starlink قۇرىلعىلارىن ءوز ەركىمەن قوسقاندارعا ايىپپۇل سالىنادى.
قازىر وسى قۇرىلعىلاردى زاڭسىز قوسقاندار باستاپقىدا ەسكەرتۋ الادى. ەگەر بۇل دەرەك قايتالانسا، وندا 10 ا ە ك سوماسىندا ايىپپۇل سالىنادى. سوندىقتان زاڭناماعا تۇزەتۋلەر ەنگىزىلگەننەن كەيىن، قازاقستاندىقتار بۇل جابدىقتاردى پايدالانا الادى.
بيىلعى قازان ايىندا 10 اۋىلدىق مەكتەپ SpaceX كومپانياسىنىڭ Starlink تەحنولوگياسى ارقىلى تەستىلىك رەجيمدە كەڭ جولاقتى ينتەرنەتكە قوسىلدى.
