قازاقستاندا سالىق تولەۋگە ءبىر باتىرما جەتكىلىكتى بولادى
ق ر قارجى ۆيتسە-ءمينيسترى ەرجان ءبىرجانوۆ جاڭا سالىق كودەكسىندە قانداي وزگەرىستەر بولاتىنىن ايتىپ بەردى، دەپ حابارلايدى قازاقپارات ءتىلشىسى.
سالىق كودەكسى بويىنشا جۇمىس تولىق كولەمدە ءجۇرىپ جاتىر.
قازىر جۇمىس توبى قۇرىلدى، وعان «اتامەكەن» پالاتاسى مەن بيزنەس وكىلدەرى ەندى.
اسىرەسە قوسىلعان قۇن سالىعىن باسقارۋ، سالىقتىق تەكسەرۋلەر، كامەرالدىق باقىلاۋ، تىركەۋ ماسەلەسى، ماجبۇرلەپ ءوندىرىپ الۋ باعىتتارى وتە قىزۋ تالقىلانۋدا.
«ءبىز سالىق فورمالارىن الدىن الا تولتىرۋدى قامتاماسىز ەتۋ، سالىق تولەۋدى جەڭىلدەتۋ، سالىق نىساندارىنىڭ سانىن قىسقارتۋ سەكىلدى جاڭا تاسىلدەردى ۇسىنباقپىز. ەسەپتىلىكتى تولتىرۋ كەزىندە فورماتتى-لوگيستيكالىق باقىلاۋ بويىنشا قىزمەتتەر كورسەتەمىز. بۇل سالىق تولەۋشىنىڭ بانك شوتتارىنداعى مىندەتتەمەلەرى مەن شەكتەۋلەرى بولعان كەزدە كامەرالدىق باقىلاۋ تۋرالى حابارلامالاردى جويۋعا مۇمكىندىك بەرەدى. ەگەر سالىق تولەۋشىگە تولتىرۋ كەزەڭىندە كومەكتەسسەك، الداعى ۋاقىتتا قۋدالاپ جۇرمەيمىز. ياعني، سالىق تولەۋشى تىركەلگەن ساتتەن باستاپ فيسكالدىق تۇرعىدا قولداۋ كورسەتەمىز»، — دەدى ە. ءبىرجانوۆ ت م د ەلدەرىنىڭ سالىق قىزمەتتەرى باسشىلارىنىڭ ۇيلەستىرۋ كەڭەسىنىڭ وتىرىسىندا.
سپيكەر سيفرلىق شەشىمدەردىڭ كۇننەن-كۇنگە دامىپ كەلە جاتقانىن اتاپ ءوتتى.
«بانك سەكتورى دا كەڭ اۋقىمدى قىزمەتتەردى كورسەتەتىن بولدى، وسىعان بايلانىستى ءبىز سالىقتى ءبىر باتىرمانى باسىپ تولەۋ ءۇشىن وپەراتورلارمەن، بانك جۇيەلەرىمەن بىرگە جۇمىس ىستەۋىمىز كەرەك. سالىق تولەۋشى ءۇشىن فورمانى تولتىرامىز، دۇرىستىعىن راستايمىز جانە تولەم ونلاين رەجيمدە جۇزەگە اسىرىلادى. ءتىپتى بولاشاقتا سالىقتىڭ ەش باتىرماسىز، اۆتوماتتى تۇردە تولەنگەنىن قالايمىز. ءبىز وسىعان ۇمتىلامىز»، — دەدى ە. ءبىرجانوۆ.
قازىرگى ۋاقىتتا مەملەكەتتىك كىرىستەر ورگاندارى ەكى جاڭا جۇيەنى ەنگىزۋ بويىنشا جۇمىس جۇرگىزۋدە، ولار — سالىقتىق اكىمشىلەندىرۋدىڭ ينتەگراتسيالانعان جۇيەسى جانە ينتەگراتسيالانعان دەرەكتەر بازاسى.
«بىرىنشىسىندە قىزمەتتەر ەسەپتىلىگىن ۇسىنۋ بويىنشا قولدانىستاعى جۇيەلەردى تۇبەگەيلى قايتا قارايمىز، ونى بيزنەس ورتاعا جاقىنداتا تۇسەمىز. جۇيەلەر تەز جانە ادام فاكتورىنسىز ونلاين جۇمىس ىستەۋى كەرەك. ەكىنشى جۇيە ۋاكىلەتتى مەملەكەتتىك ورگاندارمەن جانە باسقا ينستيتۋتتارمەن جىلدام ءوزارا ءىس-قيمىل جاساۋعا مۇمكىندىك بەرەدى. بۇل جۇيەلەر كەلەسى جىلدان باستاپ جۇمىس ىستەيدى»، — دەدى ۆيتسە-مينيستر.
