قازاقستاندا سالىق جەڭىلدىكتەرى ازايادى
استانا. KAZINFORM - ۇكىمەتتىڭ الدىندا سالىق جەڭىلدىكتەرىن كەمىندە %20 عا قىسقارتۋ مىندەتى تۇر. بۇل تۋرالى ق ر پرەمەر- ءمينيسترى ولجاس بەكتەنوۆ ايتتى.
پرەمەر سالىق كودەكسىن تەكسەرۋ قورىتىندىسى بويىنشا جەڭىلدىك رەتىندە 478 نورما انىقتالعانىن اتاپ ءوتتى.
«ءبىزدىڭ الدىمىزدا سالىق جەڭىلدىكتەرىنىڭ كولەمىن كەمىندە %20 عا قىسقارتۋ مىندەتى تۇر. جەڭىلدىكتەر قارجىلىق ەسەپتەۋلەر نەگىزىندە ەكونوميكالىق تۇرعىدا نەگىزدەلىپ بەرىلۋى كەرەك. ناتيجەلەرگە قول جەتكىزۋدىڭ ناقتى مەرزىمدەرى كورسەتىلۋگە ءتيىس. ۇلتتىق ەكونوميكا مينيسترلىگىنە سالالىق مەملەكەتتىك ورگاندارمەن جانە „اتامەكەن“ ۇلتتىق كاسىپكەرلەر پالاتاسىمەن بىرلەسىپ، سالىقتىق جەڭىلدىكتەردى قولدانۋدىڭ مىندەتتى مونيتورينگ تەتىگىن ەنگىزۋدى، سونداي-اق بيزنەستىڭ قارسى مىندەتتەمەلەرىن بەلگىلەۋدى تاپسىرامىن»، - دەدى ولجاس بەكتەنوۆ ۇكىمەت وتىرىسىندا.
