قازاقستاندا رەسەيلىك تەلەارنانىڭ نەلىكتەن كورسەتىلمەيتىنى بەلگىلى بولدى

телевизор
Фото: Pixabay

ق ر مادەنيەت جانە اقپارات مينيسترلىگى رەسەيلىك تەلەارنالاردىڭ ەل اۋماعىندا وشىرىلۋىنە تۇسىنىك بەردى، دەپ حابارلايدى Kazinform.

«قولدانىستاعى زاڭناماعا سايكەس تەلەارنالار مەن تەلەراديو حابارلارىن تاراتاتىن جەكە وپەراتورلار اراسىنداعى ازاماتتىق-قۇقىقتىق قاتىناستار ءوز اراسىندا جاسالعان شارتتار نەگىزىندە رەتتەلەدى. TVCOM وپەراتورى ءبىرقاتار رەسەيلىك تەلەارنانىڭ قۇقىق يەسى «پكۆس قازاقستان» ج ش س- مەن (پەرۆىي كانال. ۆسەميرنىي سەت) ءارى قارايعى ىنتىماقتاستىققا قاتىستى بىرنەشە كەلىسسوز قورىتىندىسى بويىنشا شارتتى 2024-جىلعا ۇزارتپاۋ جونىندە شەشىم قابىلداعانىن حابارلايمىز»، - دەپ جازىلعان مينيسترلىك جاۋابىندا.

سەبەپتەر قاتارىندا ارنالاردى رەترانسلياتسيايلاۋ قۇنىنىڭ جىل سايىنعى قىمباتتاۋى (2018-جىلدان 2023-جىلعا دەيىن قۇقىقتار قۇنى %75 عا ءوستى)، سونداي-اق قۇقىق يەلەنۋشىنىڭ تەلەارنالاردىڭ بۇكىل پاكەتىن ساتىپ الۋ تالابى كورسەتىلگەن.

قازىرگى ۋاقىتتا كەلىسسوز اياقتالعان جوق جانە جالعاسادى.

«سونداي-اق، رەسەيلىك تەلەارنالار „تەلەراديو حابارلارىن تاراتۋ تۋرالى» زاڭعا سايكەس، ق ر بۇكىل اۋماعىندا كوپارنالى حابار تاراتۋ ارقىلى تاراتىلۋى مىندەتتى تەلەراديوارنالاردىڭ تىزبەسىندە جوق ەكەنىن حابارلايمىز. وسىلايشا تەلەراديو حابارلارىن تاراتۋ وپەراتورلارىنا وسى تەلەارنالاردى تاراتۋ جونىندەگى مىندەتتەمە قولدانىلمايدى»، - دەيدى مادەنيەت جانە اقپارات مينيسترلىگى.

ايتا كەتەيىك، وسىعان دەيىن وتاۋ ت ۆ وپەراتورىنىڭ باعدارلامالار پاكەتىنەن رەسەيلىك ءبىرىنشى ارنانى الىپ تاستايتىنى حابارلانعان بولاتىن.

سوڭعى جاڭالىقتار