قازاقستاندا قور نارىعىنداعى ساۋدا كولەمى پايىز57 ءوستى

доллар
Фото: pexels.com

استانا. KAZINFORM - قازاقستان قور بيرجاسىنىڭ (КАЅЕ)باسقارما ءتورايىمى الينا الدامبەرگەن بيرجا نارىعىنىڭ 2023-جىلعى جۇمىسىن قورىتىندىلادى.

КАЅЕ باسشىسى وتكەن جىلدىڭ وڭ ناتيجە بەرگەنىن، بارلىق نارىقتارداعى ساۋدا كولەمى 57 پايىزعا وسكەنىن اتاپ ءوتتى. ساۋدا-ساتتىق ۆاليۋتادا دا، باعالى قاعازدار نارىعىندا دا ارتقان. اسىرەسە جىل بويى جەرگىلىكتى جانە شەتەلدىك اكسيالار نارىعىنىڭ قالپىنا كەلۋى ەرەكشە ايتىلدى.

«جوعارى بازالىق مولشەرلەمەگە قاراماستان، وبليگاتسيالار نارىعىندا باعالى قاعاز ۇلەستىرۋ جالعاستى. وبليگاتسيالار وزگەرمەلى كىرىس مولشەرلەمەلەرىنە كوبىرەك بايلانىستى بولا باستادى. 2023-جىلدىڭ قورىتىندىسى بويىنشا بارلىق نارىقتارداعى اينالىم 410,7 تريلليون تەڭگەنى قۇرادى. اكسيالاردىڭ قايتالاما نارىعىنداعى ساۋدا- ساتتىق كولەمى 78 پايىزعا ءوستى. بۇل كولەمنىڭ جارتىسىنان استامى ساۋدا-ساتتىققا، 2022-جىلعى جەلتوقساندا قازمۇنايگاز اكسيالارىن ءساتتى ورنالاستىرۋعا تيەسىلى. مەملەكەتتىك باعالى قاعازداردىڭ قايتالاما نارىعىنداعى ساۋدا-ساتتىق 49 پايىزعا ءوسىپ، 2,777 ميلليارد تەڭگەگە جەتتى. بيرجالىق نارىقتاعى مامىلەلەر سانى 53 پايىزعا ءوستى»، - دەدى الينا الدامبەرگەن KASE باسپا ءسوز ءماسليحاتىندا.

2023-جىلى KASE يندەكسى ءوسىمىن جالعاستىرىپ، 29 پايىز كورسەتكەن. 2024-جىلعى قاڭتاردا يندەكس تاعى 4,1 پايىزعا كوتەرىلىپ، تاريحي ماكسيمۋم - 4357,47 پۋنكتتى قۇرادى.

2024-جىلى 17- قاڭتاردا ۋران جەتكىزۋ بويىنشا «قازاتومپروم» ۇ ا ك، «بانك سەنتركرەديت» ا ق اكسيالارىنىڭ ايتارلىقتاي ءوسۋى بايقالدى، سونداي-اق Kcell اكسيالارى وسكەن.

«ءبىز بولشەك ينۆەستورلاردىڭ ايتارلىقتاي ءوسۋىن كورىپ وتىرمىز. بولشەك ينۆەستورلار بروكەرلىك ۇيىمدار ارقىلى بەلسەندى جۇمىس ىستەي باستادى، ءىشىنارا ولاردىڭ جەرگىلىكتى قۇرالدارعا سالعان ينۆەستيتسيالارىن دا كورىپ وتىرمىز. جاسىل قارجىلاندىرۋ قارقىن الىپ كەلەدى. جاسىل وبليگاتسيالارمەن شىعاتىن ۇيىمدار كوبەيدى. جەكە سەكتورداعى كومپانيالاردىڭ دا جاسىل وبليگاتسيالار ورنالاستىرعانىن كورىپ وتىرمىز»، - دەپ تولىقتىردى KASE باسقارما ءتوراعاسى.

سوڭعى جاڭالىقتار