قازاقستاندا قۇراستىرىلاتىن سۇرانىسى جوعارى 5 كولىك مودەلى بەلگىلى بولدى
استانا. KAZINFORM - ۇلتتىق ستاتيستيكا بيۋروسىنىڭ مالىمەتى بويىنشا قازاقستاندا 147431 كولىك قۇراستىرىلعان.

قازاقستان اۆتوكولىك وداعىنىڭ مالىمەتىنە سۇيەنسەك، 2024 -جىلى ەڭ كوپ قۇراستىرىلاتىن جەڭىل اۆتوموبيل برەندتەرى مىنالار: Hyundai (45 364 كولىك شىعارعان)، Chevrolet (39 349) ، Kia (24 111) ، JAC (13 682) جانە Jetour (11 305) .
ال ناقتى مودەلدەرگە جىكتەسەك، Chevrolet Cobalt (33 843) ،Hyundai Tucson (21 881) ،Kia Sportage (9 192) ، Hyundai Elantra (8022 ) جانە Jetour X70 (5 259) كولىكتەر كوپ قۇراستىرىلعان..
2024 -جىلدىڭ 1-جەلتوقسانىنداعى مالىمەت بويىنشا، ەلىمىزدە 12587 ەلەكتروموبيل تىركەلگەن. بۇل ءبىر جىلدا ەلەكتروموبيلدەر سانى 1,6 ەسە ءوستى دەگەن ءسوز.
قازاقستان اۆتوكولىك وداعىنىڭ دەرەگى بويىنشا، قوستانايداعى Allur («سارىارقااۆتوپروم» ) كاسىپورنى 2024 -جىلى 90515 كولىك قۇراستىرعان (2023 -جىلعى كورسەتكىشتەن %0,3+). الماتىداعى Hyundai Trans Kazakhstan زاۋىتى 45410 جەڭىل كولىك قۇراستىرعان (%7,1-). سەمەيدەگى سەماز زاۋىتى 4271 كوممەرتسيالىق تەحنيكا قۇراستىرعان (%12,8+). قاراعاندى وبلىسىنىڭ ساران قالاسىنداعى QazTehna كاسىپورنى 1576 كوممەرتسيالىق تەحنيك اقۇراستىرعان (%12,5-). كوكشەتاۋداعى «كاماز ينجينيرينگ» زاۋىتى 1524 جۇك كولىگىن (%15,5+)، الماتىداعى Hyundai Trans Almaty كاسىپورنى 796 كوممەرتسيالىق تەحنيكا (%18,9-)، سەمەيدەگى Daewoo Bus Kazakhstan 537 اۆتوبۋس (%11,8-)، «ۋرالسكاگرورەمماش» 105 ارنايى تەحنيكا (%14,6-)، وزگە زاۋىتتار 2697 تەحنيكا قۇراستىرعان.
وسىعان دەيىن جەكە ادامداردىڭ اۆتوكولىك پەن جىلجىمايتىن مۇلىكتى ليزينگكە الاتىنى تۋرالى جازدىق.
اۆتور
ەسىمجان ناقتىباي