قازاقستاندا قاي سالاعا جاساندى ينتەللەكت بەلسەندى ەنگىزىلىپ جاتىر
استانا. KAZINFORM - جاساندى ينتەللەكتىنى دامىتۋعا باعىتتالعان كەشەندى شارالاردى ىسكە اسىرۋ اياسىندا ەلىمىزدە «yndustrial AI Accelerator» جوباسى ىسكە قوسىلدى. جوبا تۋرالى سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى جاساندى ينتەللەكت جانە يننوۆاتسيالاردى دامىتۋ كوميتەتىنىڭ ءتوراعاسى عيززات بايتۇرسىنوۆ ايتىپ بەردى.
- بۇل ەكونوميكانىڭ نەگىزگى سالالارىنا جاساندى ينتەللەكت شەشىمدەرىن ەنگىزۋگە باعىتتالعان اكسەلەراتسيالىق باعدارلاما. باعدارلاما كوماندالاردى ىرىكتەۋ مەن وقىتۋدان باستاپ، سالالىق باعىتتار بويىنشا پيلوتتىق جوبالاردى سۇيەمەلدەۋ جانە ىسكە قوسۋعا دەيىنگى بارلىق نەگىزگى كەزەڭدى قامتيدى، - دەدى عيززات بايتۇرسىنوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
جاساندى ينتەللەكت شەشىمدەرىن ەنگىزۋگە باعىتتالعان اكسەلەراتسيالىق باعدارلامانىڭ ءبىرىنشى كەزەڭى كەلەسى سالانى قامتىدى:
- تاۋ-كەن ونەركاسىبى (Mining) - ونەركاسىپ جانە قۇرىلىس مينيسترلىگى؛
- ەنەرگەتيكا جانە مۇناي ءوندىرۋ سالاسى (EnergyTech) - ەنەرگەتيكا مينيسترلىگى؛
- مەديتسينالىق تەحنولوگيالار (MedTech) - دەنساۋلىق ساقتاۋ مينيسترلىگى؛
- قارجى تەحنولوگيالارى (FinTech) - «استانا» حالىقارالىق قارجى ورتالىعى (ا ح ق و)؛
- مەملەكەتتىك تەحنولوگيالار (GovTech) - ۇلتتىق اقپاراتتىق تەحنولوگيالار» ا ق.
ودان ءارى مينيسترلىك وكىلى اكسەلەراتسيالىق باعدارلامانىڭ ءبىرىنشى كەزەڭىنىڭ ناتيجەسىمەن ءبولىستى.
- باعدارلاماعا قاتىسۋشى كومپانيالاردان 116 ءوتىنىم قابىلداندى، 32 كومپانيا ىرىكتەۋدەن ءوتىپ، اكسەلەراتسيا باعدارلاماسىن ءساتتى اياقتادى. 3 اي ىشىندە ءتۇرلى سالادا 27 پيلوتتىق جوبا ىسكە قوسىلدى. سول سياقتى 4 جوبا پيلوتتىق رەجيمدە جۇزەگە اسىرىلىپ، تيىمدىلىگى مەن اۋقىمىن كەڭەيتۋ الەۋەتىن راستادى، - دەيدى ع. بايتۇرسىنوۆ.
بۇعان دەيىن جاساندى ينتەللەكتىنى دامىتۋ كوميتەتىنىڭ باسشىسى ج ي- ءدى ەنگىزۋ جاپپاي جۇمىسسىزدىققا الىپ كەلمەي مە دەگەن ساۋالعا جاۋاپ بەردى.
سونداي-اق ەلىمىزدە وقۋشىدان مەملەكەتتىك قىزمەتشىگە دەيىن جاساندى ينتەللەكتىنى مەڭگەرەتىنىن جانە ونىڭ ماڭىزى تۋرالى جازعان ەدىك.
ايتا كەتەيىك، الداعى بەس جىلدا 1 ميلليونعا جۋىق قازاقستاندىق جاساندى ينتەللەكتىنى مەڭگەرەدى.
ەسكە سالايىق، قازاقستان Chat GPT سەكىلدى ءوز جاساندى ينتەللەكتىسىن جاساپ شىعارماق. اقىلدى جۇيە KazLLM دەپ اتالادى.
