قازاقستاندا قار جاۋىپ، جەل كۇشەيەدى - قازگيدرومەت

استانا. KAZINFORM - قازگيدرومەت 8-اقپانعا ارنالعان اۋا رايى بولجامىن جاريالادى.

سينوپتيكتەردىڭ بولجامى بويىنشا، رەسپۋبليكانىڭ باسىم بولىگىندە جاڭبىر مەن قار جاۋادى. وڭتۇستىكتىڭ تاۋلى ايماقتارىندا، سولتۇستىك-باتىستا، سولتۇستىكتە جانە وڭتۇستىك-شىعىستىڭ تاۋلى ايماقتارىندا قالىڭ قار تۇسەدى.

ەلىمىز بويىنشا، تۇمان ءتۇسىپ، كوكتايعاق بولادى، جەل كۇشەيەدى. سولتۇستىك-باتىستا جانە سولتۇستىكتە بۇرقاسىن بولادى، داۋىل سوعادى.

قوستاناي وبلىسىنىڭ باتىسىندا، وڭتۇستىگىندە، شىعىسىندا، اقمولا وبلىسىنىڭ باتىسىندا، سولتۇستىگىندە، شىعىسىندا، سولتۇستىك قازاقستان وبلىسىنىڭ وڭتۇستىگىندە، باتىسىندا كۇشى 30 م/س جانە ودان دا جوعارى جەل تۇرادى.