قازاقستاندا قانشا ەر ادام ايەلىنىڭ تەگىن العانى بەلگىلى بولدى

نەكەدە تۇرعاندا ايەلى عانا ەمەس، ەرلى-زايىپتىنىڭ ەكەۋى دە ءبىر-ءبىرىنىڭ تەگىن الا الادى.

جىل باسىنان بەرى قانشا قازاقستاندىق جىگىت وسىنداي مۇمكىندىكتى پايدالانعانى بەلگىلى بولدى.

ادىلەت مينيسترلىگى مالىمەتىنشە، بيىل جىل باسىنان بەرى 164 ەر ادام نەكەگە تۇرعاندا جۇبايىنىڭ تەگىن ورتاق تەگى رەتىندە تاڭداعان.

دەگەنمەن، ءتولقۇجات دەرەكتەرىن وزگەرتۋدىڭ جالعىز سەبەبى نەكە قۇرۋ ەمەس. مينيسترلىكتىڭ Tengrinews.kz رەسمي ساۋالىنا بەرگەن جاۋابىندا ءاربىر قازاقستاندىق 16 جاستان باستاپ اتىن، اكەسىنىڭ اتىن جانە تەگىن وزگەرتۋگە ءوتىنىش بەرە الاتىنى ايتىلعان.

زاڭنامادا مۇنداي قادامعا كەلەسى دالەلدى سەبەپتەر كورسەتىلگەن:

اتىنىڭ، اكەسىنىڭ اتىنىڭ، تەگىنىڭ ىڭعايسىزدىق تۋدىرۋى؛

اتىن، اكەسىنىڭ اتىن، تەگىن ايتۋ قيىندىعى؛

ەگەر نەكەنى (ەرلى-زايىپتىلىقتى) مەملەكەتتىك تىركەۋ كەزىندە نەكەگە دەيىنگى تەگى قالسا نەمەسە جۇبايى (زايىبى) نەكەنى (ەرلى-زايىپتىلىقتى) مەملەكەتتىك تىركەگەننەن كەيىن تەگىن باسقاسىنا اۋىستىرسا، جۇبايىنىڭ (زايىبىنىڭ) جۇبايىمەن (زايىبىمەن) ورتاق تەگى بولۋعا تىلەگى؛

ەگەر نەكەنى (ەرلى-زايىپتىلىقتى) بۇزۋ كەزىندە بۇل تۋرالى مالىمدەلمەسە، نەكەگە دەيىنگى تەگىن الىپ جۇرۋگە نيەت؛

بۇرىنعى نەكەدەن (ەرلى-زايىپتىلىقتان) بالالارمەن ورتاق فاميليا بولعانىن قالاۋ؛

جۇبايى قايتىس بولعان جاعدايدا نەكەگە دەيىنگى فاميلياسىن الۋ نيەتى؛

جۇبايى قايتىس بولعان جاعدايدا جانە ەگەر ءوتىنىش بەرۋشى نەكەگە دەيىنگى فاميليادا بولسا، بالالارمەن ورتاق فاميليا بولۋىن قالاۋ؛

اتا-اناسىنىڭ بىرەۋىنىڭ (اتا-اناسىنىڭ ءارتۇرلى ۇلتى كەزىندە) ءوتىنىش بەرۋشى تاڭداعان ۇلتىنا سايكەس كەلەتىن اتىن جانە (نەمەسە) تەگىن الىپ جۇرۋگە تىلەك ءبىلدىرۋ؛

قۇجاتتارداعى اتاۋدان وزگەشە ومىردە قالىپتاسقان ەسىمدى راسىمدەۋ نيەتى؛

ەگەر نەكەگە تۇرۋ (ەرلى-زايىپتىلىق) كەزىندە جۇبايىنىڭ تەگى قابىلدانسا، نەكەگە دەيىنگى تەگىن الىپ جۇرۋگە نيەت؛

ۇلتتىق ءداستۇر بويىنشا اكەسىنىڭ نەمەسە اتاسىنىڭ ەسىمىمەن فاميلياسىن العىسى كەلسە؛

ءوتىنىش بەرۋشىنى ءىس جۇزىندە تاربيەلەگەن ادامنىڭ تەگى جانە اتى بويىنشا تەگىن جانە (نەمەسە) اكەسىنىڭ اتىن الۋعا نيەت بىلدىرسە؛

جىنىسى حيرۋرگيالىق وزگەرگەن كەزدە تاڭدالعان جىنىسقا سايكەس كەلەتىن ەسىمدى، اكەسىنىڭ اتىن، تەگىن الۋعا نيەت ءبىلدىرۋ؛

اتا-اناسى نەمەسە قامقورشىلار بالانىڭ اتىن جانە/نەمەسە تەگىن وزگەرتۋگە ءوتىنىش بەرە الادى. بۇل جاعدايدا، ەگەر ول سول كەزدە ون جاستا بولسا، ونىڭ كەلىسىمى قاجەت.