قازاقستاندا قانشا ادامنىڭ قوسىمشا جۇمىسى بار؟
ەلىمىزدە 1,4 ميلليونعا جۋىق ادام قوسىمشا جۇمىس ىستەيدى. ولاردىڭ جالپى ۇلەسى - 15,5 پايىز، - دەپ حابارلايدى Massaget.kz ءتىلشىسى.
بۇل ادامدار ءبىر جىل ىشىندە اپتاسىنا 40 ساعاتتان ارتىق ەڭبەك ەتەدى، ال قازاقستان رەسپۋبليكاسىنىڭ ەڭبەك زاڭناماسىنا سايكەس جۇمىس اپتاسىنىڭ ەڭ ۇزاق ۇزاقتىعى 40 ساعات بولۋعا ءتيىس.
ەكونوميكالىق زەرتتەۋلەر ينستيتۋتىنىڭ مالىمەتىنشە، ادامدار وبەكتيۆتى سەبەپتەرمەن قوسىمشا جۇمىس ىستەيدى. ال كەيبىر ادامدار لاۋازىمىنان جانە جۇمىسقا بايلانىستى باسقا دا يگىلىكتەردەن ايىرىلىپ قالماۋ ءۇشىن ۇستەمە جۇمىس ىستەۋگە ءماجبۇر.
بۇل جاعدايدىڭ نەگىزگى سەبەپتەرى قانداي؟
«ادامداردىڭ ۇستەمە جۇمىس ىستەۋىنە كاسىپورىننىڭ جۇمىس پروتسەسىن ۇيىمداستىرۋداعى ستراتەگياسى اسەر ەتەدى. ە ج م ع ز ۋ زەرتتەۋشىلەرى جۇمىس پروتسەسىن باسقاشا ۇيىمداستىراتىن كومپانيالاردىڭ ەكى ءتۇرىن انىقتادى. ءبىرىنشىسى - باعىنۋ ەمەس، ۇيلەستىرۋ قاعيداتى بويىنشا قۇرىلادى. ولاردىڭ نەگىزگى رەسۋرسى - بۇل تۋىنداعان ماسەلەلەردى شەشۋدىڭ ستاندارتتى ەمەس جانە ءتيىمدى جولدارىن تابۋ مىندەتى بار قىزمەتكەرلەر. مۇنداي كومپانيالارداعى جۇمىس بەرۋشى ءۇشىن كەڭسەدە وتكىزىلگەن ساعات سانى ەمەس، ناتيجە ماڭىزدى. ءبىراق ءدال وسىنداي ۇيىمدار ماتەريالدىق نەمەسە مانساپتىق پايدا اكەلمەيدى»، - دەيدى ينستيتۋت ماماندارى.
ەكىنشى تيپ - فۋنكتسيونالدىق يەرارحيا.
«قىزمەتكەرلەر كۇندەلىكتى زياتكەرلىك جۇمىستارمەن اينالىسادى جانە بەلگىلى ءبىر ەرەجەلەرگە سايكەس تيپتىك تاپسىرمالاردى ورىندايدى. ادەتتە، كەڭسەدەگى كىدىرىستەر قىزمەتكەردىڭ ادالدىعىن راستايدى جانە وسى تيپتەگى كومپانيالارداعى مانساپتىق وسۋگە تەك ساپالى ورىندالعان مىندەتتەر عانا ەمەس، سونىمەن قاتار فيرماداعى جۇمىس تاجىريبەسى مەن باسشىلارمەن قارىم-قاتىناس ىقپال ەتەدى»، - دەلىنگەن اقپاراتتا.
