قازاقستاندا قانداس مارتەبەسىن بەرۋدىڭ جاڭا ءتارتىبى ەنگىزىلەدى

 استانا. KAZINFORM - ەڭبەك جانە حالىقتى الەۋمەتتىك قورعاۋ مينيسترلىگى قانداس مارتەبەسىن بەرۋ نەمەسە ۇزارتۋ ەرەجەلەرىنە وزگەرىستەر ەنگىزبەك.

 

تۇزەتۋلەرگە سايكەس، ەندى «قانداس» مارتەبەسىن بەرۋ تۋرالى ءوتىنىشتى «قۇتتى مەكەن» موبيلدى قوسىمشاسى، قازاقستان رەسپۋبليكاسىنىڭ شەت ەلدەردەگى مەكەمەسى ارقىلى عانا ەمەس، سونىمەن قاتار قۇجاتتاردى قوسا بەرە وتىرىپ، مەملەكەتتىك كورپوراتسيا ارقىلى بەرۋگە بولادى.

رەسپۋبليكانىڭ شەت ەلدەردەگى مەكەمەسى ارقىلى بەرىلگەن ءوتىنىشتى شەت ەلدەردەگى مەكەمەنىڭ قىزمەتكەرى «قانداس» ا ا ج- دا تىركەيدى جانە ونىڭ تىركەلگەنى تۋرالى حاباردار ەتە وتىرىپ، حالىقتى الەۋمەتتىك قورعاۋ جانە جۇمىسپەن قامتۋ ماسەلەلەرى جونىندەگى جەرگىلىكتى اتقارۋشى ورگانعا جىبەرەدى.

مەملەكەتتىك كورپوراتسياعا جۇگىنگەن كەزدە قۇجاتتاردى قابىلداۋ كۇنى مەملەكەتتىك قىزمەت كورسەتۋ مەرزىمىنە كىرمەيدى. ءوتىنىش بەرۋشى مەملەكەتتىك كورپوراتسياعا قولدانىلۋ مەرزىمى وتكەن پاكەتتى نەمەسە قۇجاتتاردى تولىق ۇسىنباعان جاعدايدا، قىزمەتكەر ءوتىنىشتى قابىلداۋدان باس تارتۋ تۋرالى قولحات بەرەدى.

ءوتىنىش بەرۋشى قۇجاتتاردىڭ تولىق توپتاماسىن ۇسىنعان كەزدە مەملەكەتتىك كورپوراتسيانىڭ قىزمەتكەرى ءوتىنىشتىڭ قابىلدانعانى تۋرالى حابارلاما جىبەرەدى. سونداي- اق، ءوتىنىش بەرۋشى مەملەكەتتىك كورپوراتسياعا جۇگىنگەن جاعدايدا، قۇجاتتاردى حالىقتى الەۋمەتتىك قورعاۋ جانە جۇمىسپەن قامتۋ ماسەلەلەرى جونىندەگى جەرگىلىكتى اتقارۋشى ورگانعا بەرۋ «ەلەكتروندىق ۇكىمەت» جۇيەسى ارقىلى جۇزەگە اسىرىلادى.

سونىمەن قاتار، قۇجاتتاردى قاراۋ مەرزىمى ەكى ەسە قىسقاردى. ماسەلەن، ءوتىنىش بەرۋشىلەردىڭ قۇجاتتارىن العان ساتتەن باستاپ 10 جۇمىس كۇنى ىشىندە ىشكى ىستەر جانە ۇلتتىق قاۋىپسىزدىك ورگاندارىنىڭ اۋماقتىق بولىمشەلەرى قازاقستان رەسپۋبليكاسىنىڭ اۋماعىنداعى قۇقىق بۇزۋشىلىقتار جانە ونىڭ تەرروريستىك نەمەسە ەكسترەميستىك ۇيىمدارعا قاتىستى ايىپتاۋشى مالىمەتتەردىڭ بولۋى نەمەسە بولماۋى تۋرالى اقپاراتتى حالىقتى الەۋمەتتىك قورعاۋ جانە جۇمىسپەن قامتۋ ماسەلەلەرى جونىندەگى جەرگىلىكتى اتقارۋشى ورگاندارعا جىبەرەدى.

كوميسسيا ءوتىنىش كەلىپ تۇسكەن كۇننەن كەيىن 5 جۇمىس كۇنى ىشىندە ونى قارايدى جانە ءوتىنىش بەرۋشىگە «قانداس» مارتەبەسىن بەرۋدەن باس تارتۋ نەمەسە قانداس مارتەبەسىن بەرۋ تۋرالى ۇسىنىس شىعارادى. بۇل پروتسەدۋرانى كوميسسيا قابىلدايدى جانە حاتتامامەن رەسىمدەيدى. وسىدان كەيىن، حالىقتى الەۋمەتتىك قورعاۋ جانە جۇمىسپەن قامتۋ ماسەلەلەرى جونىندەگى جەرگىلىكتى اتقارۋشى ورگان كوميسسيا ۇسىنىم شىعارعان كۇننەن كەيىن 1 جۇمىس كۇنى ىشىندە ءوتىنىش بەرۋشىگە «قانداس» مارتەبەسىن بەرۋ نەمەسە بەرۋدەن باس تارتۋ تۋرالى شەشىم قابىلدايدى. سودان سوڭ «قۇتتى مەكەن» اقپاراتتىق جۇيەسى ارقىلى قابىلدانعان شەشىمدى ءوتىنىش بەرۋشىگە، قازاقستان رەسپۋبليكاسىنىڭ شەت ەلدەردەگى مەكەمەسىنە نەمەسە مەملەكەتتىك كورپوراتسياعا جىبەرەدى.

ەگەر ءوتىنىش بەرۋشىگە «قانداس» مارتەبەسى بەرىلسە، ءوتىنىش بەرۋشى قونىستاندىرۋ ايماعىنا كەلگەن كۇننەن كەيىن 3 جۇمىس كۇنى ىشىندە حالىقتى الەۋمەتتىك قورعاۋ جانە جۇمىسپەن قامتۋ ماسەلەلەرى جونىندەگى جەرگىلىكتى اتقارۋشى ورگان:

- جەكە بەيىمدەلۋ جانە ينتەگراتسيا جوسپارىنا قول قويادى؛

- ۇكىمەت ايقىنداعان وڭىرلەرگە قونىستانعان جاعدايدا الەۋمەتتىك كەلىسىمشارتقا قول قويادى؛

- قانداس مارتەبەسى تۋرالى شەشىمنىڭ كۇشىنە ەنگەنى تۋرالى «قانداس» ا ا ج- عا بەلگىسى بار كۋالىك بەرەدى.

ودان بولەك، حالىقتى الەۋمەتتىك قورعاۋ جانە جۇمىسپەن قامتۋ ماسەلەلەرى جونىندەگى جەرگىلىكتى اتقارۋشى ورگاننىڭ «قانداس» مارتەبەسىن ۇزارتۋ نە ۇزارتۋدان باس تارتۋ تۋرالى شەشىمى ءوتىنىش بەرۋشىنى حاباردار ەتۋ ءۇشىن «ەلەكتروندىق ۇكىمەت» جۇيەسى ارقىلى 1 جۇمىس كۇنى ىشىندە مەملەكەتتىك كورپوراتسياعا جىبەرەدى.

قۇجات 30 مامىرعا (2024 -جىل) دەيىن اشىق تالقىلاۋ ءۇشىن «اشىق ن ق ا» سايتىندا ورنالاستىرىلعان.

اۆتور

داۋلەت ىزتىلەۋ