قازاقستاندا نەشە ياحتا بار

استانا. KAZINFORM - كولىك مينيسترلىگى تەمىرجول جانە سۋ كولىگى كوميتەتى ءتوراعاسىنىڭ ورىنباسارى قاسىم تىلەپوۆ قازاقستاندا نەشە ياحتا تىركەلگەنىن ايتتى.

«قازاقستاندا نەشە ياحتا تىركەلگەن جانە ولار قاي قالالاردا شوعىرلانعان؟» - دەپ سۇرادى جۋرناليست ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

ءمينيستردىڭ ايتۋىنشا، ۆەدومستۆونىڭ تىزبەسىندە «ياحتا» دەگەن جىكتەلىم جوق. ءبىراق وسى تيپكە جاتاتىن 60 تان استام سۋ كولىگى بار.

«قازىرگى تاڭدا قازاقستاندا 20 مىڭنان استام سۋ كولىگى تىركەلگەن. ونىڭ 270 ءسى تەڭىز كولىگى، 800 دەن استامى وزەن كولىگى، قالعان 19 مىڭعا جۋىعى شاعىن سۋ كولىكتەرى. ياحتاعا كەلسەك، بىزدە ونداي جىكتەلىم جوق. وسى تيپتەگى 62 ءجۇزۋ كولىگى ماڭعىستاۋ وبلىسىنىڭ اقتاۋ قالاسىندا تىركەلگەن. سونداي-اق، سەيىل مەن سپورتقا ارنالعان ءجۇزۋ كولىكتەرى بار. ولار قاپشاعاي سۋ قويماسىنىڭ ماڭايىندا تىركەلگەن»، - دەدى قاسىم تىلەپوۆ.