قازاقستاندا مۇناي ءوندىرۋ كولەمى ارتادى
استانا. KAZINFORM - بۇگىن ءماجىلىستىڭ جالپى وتىرىسىندا پرەمەر- ءمينيستردىڭ ورىنباسارى - ۇلتتىق ەكونوميكا ءمينيسترى نۇرلان بايبازاروۆ ەلمىزدىڭ 2025 - 2029 -جىلدارعا ارنالعان الەۋمەتتىك- ەكونوميكالىق دامۋ بولجامىن تانىستىردى.
«بولجامدى قالىپتاستىرۋدىڭ نەگىزىنە مۇنايدىڭ باعاسى باررەلىنە 75 ا ق ش دوللارى جانە دوللاردىڭ ەسەپتىك باعامى 470 تەڭگە بولعانداعى بازالىق سەناريى الىندى. بولجام بويىنشا 2025 -جىلى جالپى ىشكى ءونىمنىڭ ناقتى ءوسۋى 5,6 پايىزعا جەتەدى. 5 جىل ىشىندە جالپى ىشكى ءونىمنىڭ ورتاشا جىلدىق ءوسۋى - 5,4 پايىزدى قۇرايدى. نومينالدى جالپى ىشكى ءونىم 2025 -جىلعى 150,8 تريلليون تەڭگەدەن 2029 -جىلى 234,2 تريلليون تەڭگەگە دەيىن وسەدى. ەكونوميكانىڭ بارلىق سالالارىندا ءوسىم بولادى دەپ ەسكەرىلىپ ولتىر. ماسەلەن، ونەركاسىپتەگى ورتاشا جىلدىق ءوسۋ قارقىنى 4,1 پايىز، ونىڭ ىشىندە وڭدەۋ ونەركاسىبىندە - 5,8 پايىزدى، تاۋ- كەن ءوندىرۋ ونەركاسىبىندە 2,9 پايىزدى قۇرايدى»، - دەدى ن. بايبازاروۆ.
ونىڭ ايتۋىنشا، اۋىل شارۋاشىلىعىنداعى ورتاشا جىلدىق ءوسىم 5,3 پايىزدى، قۇرىلىستا - 9,3 پايىزدى، كولىك قىزمەتتەرىندە 8,2 پايىزدى جانە ساۋدادا 7,1 پايىزدى قۇرايدى.
«مۇناي ءوندىرۋ كولەمى 2025 -جىلى 97,2 ميلليون توننادان 2029 -جىلى 104,8 ميلليون تونناعا دەيىن ۇلعايادى. تاۋارلاردىڭ ەكسپورتى 2025 -جىلى 82,3 ميلليارد ا ق ش دوللاردان 2029 -جىلى 90 ميلليارد ا ق ش دوللارعا دەيىن وسەدى دەپ بولجانۋدا.
يمپورت 61,3 ميلليارد ا ق ش دوللاردان 67,5 ميلليارد دوللارعا دەيىن وسەدى. ينفلياتسيا دەڭگەيى 2025 -جىلى 5,5 جانە 7,5 پايىز، 2026 -جىلى 5 جانە 6 پايىز ارالىعىندا ايقىندالدى، كەيىننەن 2027-2029 -جىلدارى 5 پايىزعا دەيىن تومەندەيدى دەپ قاراستىرىلعان»، - دەدى مينيستر.
ماكروەكونوميكالىق كورسەتكىشتەردىڭ بولجامى نەگىزىندە 2025-2027 -جىلدارعا ارنالعان بيۋدجەت پەن ۇلتتىق قور پارامەترلەرىنىڭ بولجامى قالىپتاستىرىلدى.
بيۋدجەت كىرىستەرىنىڭ نەگىزگى ءوسىمى ەكونوميكانىڭ دامۋ قارقىنىن ۇلعايتۋ جانە سالىق سالاسىنداعى اكىمشىلەندىرۋدى جاقسارتۋ، سونداي- اق كولەڭكەلى ەكونوميكانىڭ ۇلەسىن تومەندەتۋ ەسەبىنەن قامتاماسىز ەتىلەدى.
«كەپىلدەندىرىلگەن ترانسفەرت بيۋدجەت قاعيداسىن ەسكەرە وتىرىپ، جىل سايىن 2 تريلليون تەنگە مولشەرىندە ايقىندالدى»، - دەدى ۆەدومستۆو باسشىسى.
