قازاقستاندا مۇناي ءوندىرۋ بويىنشا تاريحي رەكورد ورناتىلدى

استانا. KAZINFORM - قازاقستاندا ورتاشا تاۋلىكتىك مۇناي ءوندىرۋ 278,4 مىڭ تونناعا جەتتى، دەپ حابارلايدى Kazinform وتىن-ەنەرگەتيكا كەشەنىنىڭ احۋالدىق-تالداۋ ورتالىعىنا (و ە ك ا ت و) سىلتەمە جاساپ.

- 2025-جىلعى 26-قاڭتاردا «و ە ك ا ت و» ا ق جەدەل دەرەكتەرى بويىنشا قازاقستاندا ورتاشا تاۋلىكتىك مۇناي ءوندىرۋدىڭ تاريحي رەكوردى تىركەلدى - 278,4 مىڭ توننا. بۇل 2024 -جىلدىڭ سايكەس مەرزىمىمەن سالىستىرعاندا %10,5 عا ارتىق (251,9 مىڭ توننا)، - دەلىنگەن حابارلامادا.

و ە ك ا ت و اتاپ وتكەندەي، بۇل ناتيجەگە قول جەتكىزۋ «تەڭىزشيەۆرويل» (ت ش و) كومپانياسىنىڭ بولاشاق ءوسۋ جوباسىنىڭ (ك ك ج) نەگىزگى كەزەڭدەرىنىڭ اياقتالۋى جانە تەڭىز كەن ورنىنداعى ءۇشىنشى بۋىن زاۋىتىنىڭ (ت گ ز) ىسكە قوسىلۋىنىڭ ارقاسىندا مۇمكىن بولدى.

ايتا كەتەيىك، «تەڭىزشيەۆرويل» جاۋاپكەرشىلىگى شەكتەۋلى سەرىكتەستىگى تەڭىز كەن ورنىنداعى جاڭا ءۇشىنشى بۋىن زاۋىتىندا شيكى مۇناي ءوندىرۋدى باستادى.

2024-جىلدىڭ قاراشاسىندا ەنەرگەتيكا ءمينيسترى الماسادام ساتقالييەۆ قازاقستان 2026-جىلدان باستاپ جىل سايىن 100 ميلليون توننا مۇناي وندىرىلەتىنىن ايتقان بولاتىن.

ەلىمىزدە مۇناي وڭدەۋ زاۋىتتارى كەڭەيتىلەتىنىن جازعان بولاتىنبىز.