قازاقستاندا مەديتسينا سالاسىنداعى قىلمىس كوبەيگەن

قاڭتار- قازان ارالىعىندا ەلدە 212 مەديتسينالىق قىلمىس تىركەلگەن. بۇل بىلتىرمەن سالىستىرعاندا 2,4 پايىزعا كوپ، - دەپ حابارلايدى ranking.kz سايتى.

مۇنداي قىلمىستىق ىستەردە 245 ادام جابىرلەنۋشى بولعان. ونىڭ ىشىندە 31 كامەلەتكە تولماعان بالا جانە 15 زەينەتكەر بار. 168 ى ايەل.

جاس بويىنشا كامەلەتكە تولعاندار اراسىندا مەديتسينالىق قىلمىستىق قۇقىق بۇزۋشىلىقتاردىڭ قۇرباندارى 18-20 جاستاعى 3 ادام، 21-29 جاستاعى 44 ادام، 30-39 جاستاعى 68 ادام، 40-49 جاستاعى 43 ادام، 50-59 جاستاعى 18 ادام جانە 60 جاستان اسقان 38 ادام بولدى.

ءوڭىر بويىنشا مەديتسينالىق قىلمىستىق قۇقىق بۇزۋشىلىقتاردىڭ كوبى استانا مەن الماتىدا تىركەلدى: ءارقايسىسىندا 20 جاعداي - وتكەن جىلمەن سالىستىرعاندا 11,1 پايىزعا ارتىق.

ودان كەيىن الماتى (19 جاعداي)، اقتوبە (18 جاعداي)، تۇركىستان (17 جاعداي) جانە قوستاناي (15 جاعداي) وبلىستارى.

مۇنداي قۇقىق بۇزۋشىلىقتاردىڭ ەڭ ازى ۇلىتاۋ (1 جاعداي)، ماڭعىستاۋ (2 جاعداي) جانە سولتۇستىك قازاقستان (4 جاعداي) وبلىستارىندا تىركەلدى.

مەديتسينالىق قىلمىستىق قۇقىق بۇزۋشىلىقتاردىڭ 95,8 پايىزى مەديتسينالىق نەمەسە فارماتسيەۆتيكالىق قىزمەتكەرلەردىڭ كاسىبي مىندەتتەرىن تيىسىنشە ورىنداماۋىنا بايلانىستى بولدى. جىل باسىنان بەرى وسىنداي 203 قۇقىق بۇزۋشىلىق تىركەلدى - بۇل وتكەن جىلمەن سالىستىرعاندا 2 پايىز ارتىق.