قازاقستاندا ەلەكتر ەنەرگياسىنىڭ ءتاريفى ءوسۋى مۇمكىن
وسى ايدان باستاپ قازاقستاندا ەلەكتر ەنەرگياسىن ءوندىرۋ شىعىندارى قىمباتتاۋى مۇمكىن، دەپ حابارلايدى Kazinform.

بۇيرىقتا جازىلعانداي، 1- قازاننان باستاپ مىنا ۇيىمدار وندىرەتىن ەلەكتر ەنەرگياسىنىڭ باعاسى قىمباتتايدى:
1-توپ (بولات نۇرجانوۆ اتىنداعى «ەكىباستۇز گرەس-1» ج ش س) - 5,90 تەڭگەدەن 7,32 تەڭگەگە؛
2-توپ (ەۋروازيالىق ەنەرگەتيكالىق كورپوراتسيا» ا ق) - 6,17 تەڭگەدەن 7,40 تەڭگەگە؛
3-توپ («ەكىباستۇز گرەس-2 ستانتسياسى» ا ق) - 8,59 تەڭگەدەن 11,20 تەڭگەگە؛
4-توپ («توپار باستى تاراتۋ ەنەرگيا ستانتسياسى» ج ش س) - 8,78 تەڭگەدەن 11,65 تەڭگەگە قىمباتتايدى.
«تۇزەتۋ ەنەرگيا ءوندىرۋشى ۇيىمدارعا تاۋەلدى ەمەس ەلەكتر ەنەرگياسىن وندىرۋگە كەتەتىن نەگىزگى شىعىنداردىڭ ۇلعايۋىنا بايلانىستى، اتاپ ايتقاندا وتىن، جالاقى جانە شيكىزات شىعىندارىنا بايلانىستى. ورتاشا العاندا تاۋارلىق گازدىڭ قۇنى 39-توپ ءۇشىن («ز- ەنەرگوورتالىق» ا ق) 17,4 پايىز، 42-توپ ءۇشىن («باتىس پاۋەر» ج ش س) 20,6 پايىزدى قۇرادى»، - دەپ تۇسىندىرمە بەرىلگەن بۇيرىق-جوباسىنا.
جالپى، قۇجاتقا ەلەكتر ەنەرگياسىن وندىرەتىن 50 ۇيىم كىرگەن. ولاردىڭ اتاۋىن، باعانىڭ قانشاعا قىمباتتايتىنىن مىنا سىلتەمە ارقىلى ءوتىپ، كورۋگە بولادى.
بۇيرىق 1- قاراشادان باستاپ كۇشىنە ەنەدى جانە 1- قازاننان تۋىنداعان قۇقىقتىق قاتىناستارعا قولدانىلادى.