قازاقستاندا ەكوتۋريزمگە سۇرانىس ارتىپ كەلەدى

استانا. KAZINFORM - وتكەن جىلدىڭ قورىتىندىسى بويىنشا ۇلتتىق ساياباقتارعا 2,4 ميلليوننان استام ادام كەلدى. بۇگىندە ەلىمىز بويىنشا 16 ۆيزيت-ورتالىق جۇمىس ىستەيدى، ونىڭ ىشىندە 7 ۆيزيت-ورتالىق ۇلتتىق پاركتەر اۋماعىندا ورنالاسقان.

تۋريزم جانە سپورت مينيسترلىگىنىڭ حابارلاۋىنشا، بىلتىر التىن- ەمەل، شارىن جانە ىلە- الاتاۋى ۇلتتىق پاركتەرى جالپى قۇنى 3 ميلليارد تەڭگەگە جۋىق 3 جاڭا ۆيزيت- ورتالىقپەن تولىقتىرىلعان.

تۋريزم سالاسىن ودان ءارى دامىتۋ ماقساتىندا جىل باسىنان بەرى مينيسترلىك جاڭا باستامالاردى پىسىقتاپ جاتىر. سونىڭ ءبىرى - فەرمەرلەرگە ءوز جەرلەرىندە اگروتۋريزممەن اينالىسۋعا رۇقسات بەرۋ. بۇل ارقىلى 10 مىڭنان استام اۋىل تۇرعىنىن قوسىمشا جۇمىسپەن قامتۋعا بولادى.