قازاقستاندا كوروناۆيرۋس جۇقتىرعاندار سانى كۇرت ءوستى
قازاقستاننىڭ باس سانيتاريا دارىگەرى ايجان ەسماعامبەتوۆا ەلىمىزدە كوروناۆيرۋس جانە تۇماۋ جۇقتىرعان ناۋقاستار سانى ءوسىپ جاتقانىن ەسكەرتىپ، ماسكا تاعىپ جۇرۋگە كەڭەس بەردى، - دەپ حابارلايدى Massaget.kz ءتىلشىسى.
د س م سانيتاريالىق-ەپيدەميولوگيالىق باقىلاۋ كوميتەتى مالىمەتىنشە، بيىل قاڭتاردا (2023-جىلعى جەلتوقسانمەن سالىستىرعاندا) ەلىمىزدە كوروناۆيرۋس جۇقتىرعاندار سانى 2,5 ەسە ءوسىپ، 477 دەرەك تىركەلگەن. بىلتىر جەلتوقساندا 187 جاعداي بولعان.
COVID-19 جۇقتىرعانداردىڭ ەڭ كوپ سانى الماتى (143 جاعداي) جانە استانا (74 جاعداي) قالالارىندا.
2024-جىلعى 26- قاڭتاردان 1- اقپان ارالىعىندا ەلىمىزدە جالپى 155 ادام (144 جاعداي ك ۆ ي+، 11 جاعداي ك ۆ ي-) كوروناۆيرۋس جۇقتىردى. ءبىر اپتادا سىرقاتتانۋشىلىق 26 دەرەككە وسكەن.
«الماتى مەن استانادا اۋرۋ كورسەتكىشى بويىنشا ءوسىم بار. وميكرون شتامى تاراپ جاتىر. اۋرۋ جەڭىل تۇردە ءوتىپ جاتىر. مۇنى ءبىز ناۋقاستار سانىنىڭ وسۋىنەن بايقاپ وتىرمىز. اۋرۋحاناعا جاتقىزۋ دەڭگەيى، ءولىم-ءجىتىم كورسەتكىشى وزگەرگەن جوق.
استاناعا توقتالايىن. بيىل قاڭتاردا جەلتوقسانمەن سالىستىرعاندا سىرقاتتانۋشىلىقتىڭ ءوسۋى بايقالادى. ءوسىم ايتارلىقتاي ەمەس. بۇگىندە (كوروناۆيرۋس جۇقتىرعان) 3 ادام اۋرۋحانادا ەمدەلىپ جاتىر. بۇگىندە قازاقستان «جاسىل» ايماقتا»، - دەدى دەنساۋلىق ساقتاۋ ۆيتسە-ءمينيسترى، باس مەملەكەتتىك سانيتاريا دارىگەرى ايجان ەسماعامبەتوۆا.
كوميتەت كوروناۆيرۋس جۇقتىرعاندار سانى وسكەنىنە قاراماستان ەلىمىزدە كارانتين شەكتەۋى ەنگىزىلمەيتىنىن مالىمدەدى.
«كەيىنگى ايدا COVID-19 جۇقتىرعانداردىڭ سانى وسكەنى بايقالادى. سونداي-اق، ج ر ۆ ي جانە تۇماۋدىڭ ەپيدماۋسىمى ءجۇرىپ جاتىر. وسىنى ەسكەرىپ، ادامدار كوپ جينالاتىن ورىنداردا، قوعامدىق كولىكتە، مەديتسينالىق ۇيىمدارعا بارعاندا، ناۋقاسپەن بايلانىستا بولعان كەزدە بەتپەردە تاعۋ ۇسىنىلادى»، - دەپ جازىلعان حابارلامادا.
ايجان ەسماعامبەتوۆا قازاقستاندىقتارعا ساق بولۋعا كەڭەس بەردى.
«بيىل العاش رەت ج ر ۆ ي جانە تۇماۋدىڭ ەپيدماۋسىمىندا COVID-19 جۇقتىرعاندار ءوسىپ جاتىر. اقپاندا سىرقاتتانۋشىلىقتىڭ ەكىنشى تولقىنى باستالادى. سودان كەيىن اۋرۋ جۇقتىرۋ كورسەتكىشى تومەندەيدى. سوڭعى 2 ايدا ج ر ۆ ي جانە تۇماۋ جۇقتىرۋ كورسەتشى 7 پايىزعا ءوستى ءارى كورونيناۆيرۋس جۇقتىرعانداردىڭ دا سانى ارتتى. وسىنى جانە تۇراقسىز اۋا رايىن ەسكەرىپ، باس سانيتاريا دارىگەرى رەتىندە شەشىم قابىلدايمىن. ءبىز جابىق عيماراتتاردا جانە ادام كوپ جينالاتىن ورىنداردى ماسكا تاعىپ جۇرۋگە كەڭەس بەرەمىز»، - دەدى ۆيتسە-مينيستر.
