قازاقستاندا كەدەيلىك دەڭگەيى ەڭ جوعارى ءوڭىر بەلگىلى بولدى

ءۇي شارۋاشىلىقتارىن ىرىكتەپ تەكسەرۋ ناتيجەسى بويىنشا تابىسى ەڭ تومەنگى كۇنكورىس دەڭگەيىنەن تومەن حالىقتىڭ ۇلەسى بيىلعى III توقساندا %5,6 بولدى، دەپ حابارلايدى Kazinform.

كەدەيلىك دەڭگەيىنىڭ ەڭ جوعارى ءمانى تۇركىستان وبلىسىندا (%9,6)، ال ەڭ ازى - قاراعاندى وبلىسى جانە استانا قالاسىندا (%2,7 دان) تىركەلدى.

كەدەيلىك قاۋپىنە ءۇي شارۋاشىلىقتارىنىڭ كولەمى قاتتى اسەر ەتەدى.

وسىلايشا 5 جانە ودان دا كوپ ادامنان تۇراتىن ءۇي شارۋاشىلىقتارى اراسىنداعى كەدەيلىك دەڭگەيى - %10 بولدى، بۇل جالپى كەدەيلىك دەڭگەيىنەن 2 ەسەگە جۋىق ارتىق.

كەدەيلىك دەڭگەيى - تۇتىنۋعا پايدالانىلعان ەڭ تومەنگى كۇنكورىس دەڭگەيىنىڭ شاماسىنان تومەن تابىسى بار حالىق سانىنىڭ حالىقتىڭ جالپى سانىنا پايىزبەن ولشەنگەن قاتىناسى.

ق ر بويىنشا 2023 -جىلعى III توقساندا ايىنا ورتا ەسەپپەن جان باسىنا شاققانداعى ەڭ تومەنگى كۇنكورىس دەڭگەيىنىڭ شاماسى - 51710 تەڭگە.