قازاقستاندا جىنىس اۋىستىرۋعا تىيىم سالۋ ۇسىنىلدى
استانا. KAZINFORM - دەپۋتات ماگەررام ماگەرراموۆ زاڭناماعا وزگەرىستەر ەنگىزىلگەنگە دەيىن جىنىس اۋىستىرۋ بويىنشا وپەراتسيالار جۇرگىزۋدى توقتاتا تۇرۋدى تالاپ ەتىپ، ۇكىمەتكە دەپۋتاتتىق ساۋال جولدادى.
پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارينگە جولداعان ۇندەۋىندە ماگەرراموۆ ءداستۇرلى وتباسىلىق قۇندىلىقتى ساقتاۋ قاجەت ەكەنىن مالىمدەدى.
«ەلىمىزدىڭ باي تاريحىن، اتا-بابالارىمىز ساقتاعان وزىندىك ەرەكشەلىگىن، بىزگە مۇرا بولىپ قالعان مادەني جانە ءداستۇرلى قۇندىلىقتاردى ەسكەرە وتىرىپ، جىنىستىق سايكەستەندىرۋ اۋىتقۋى بار ادامدار ءۇشىن جىنىستى وزگەرتۋدىڭ قولايلىلىعى تۋرالى ماسەلە تۋىندايدى. «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە سايكەس پسيحيكالىق، مىنەز-قۇلىق بۇزىلىستارى بار ادامداردان بولەك، 21 جاسقا تولعان، جىنىستىق سايكەستەندىرۋ اۋىتقۋى بار، ارەكەتكە قابىلەتتى ادامدار جىنىسىن اۋىستىرۋعا قۇقىلى»، - دەدى ماگەرراموۆ.
دەپۋتات ۇكىمەتكە قازاقستانداعى جىنىس اۋىستىرۋ ماسەلەسىنە قاتىستى ءبىرقاتار ساۋال جولدادى:
ەلدە جىنىس اۋىستىرۋ بويىنشا قانشا وپەراتسيا جاسالدى؟
قانشا ادام جىنىسىن وزگەرتۋگە ءوتىنىش بەردى؟
وپەراتسيادان كەيىن باستاپقى جىنىسىنا ورالعان جاعدايلار بولدى ما؟
نەلىكتەن مىنەز-قۇلىق نەمەسە پسيحيكالىق بۇزىلىستار حيرۋرگيالىق جولمەن ەمدەلەدى؟
ەسكە سالايىق، بۇعان دەيىن ءماجىلىس دەپۋتاتى ەدىل جاڭبىرشين ەلدە ل گ ب ت- نى ناسيحاتتاۋعا تىيىم سالۋدى ۇسىندى.
