قازاقستاندا جول ەرەجەسىن بۇزعاندارعا ايىپپۇل كولەمى كوبەيۋى مۇمكىن

 قازاقستاندا جول قوزعالىسى ەرەجەسىن بۇزعاندارعا ايىپپۇل كولەمىن كوبەيۋى مۇمكىن، - دەپ حابارلايدى باس پروكۋراتۋرانىڭ باسپا ءسوز قىزمەتى.   

прова
Фото: Tengrinews.kz / Тұрар Қазанғапов

ۆەدومستۆو مالىمەتىنشە، قازاقستاندا كەيىنگى بەس جىلدا 100 مىڭعا جۋىق ازامات جول اپاتىنان زارداپ شەككەن. ۇكىمەت جول ەرەجەسىن بۇزعانداردى دەرەۋ جازالاپ، ايىپپۇلدار كولەمىن كوبەيتۋدى كوزدەپ وتىر. باس پروكۋراتۋرانىڭ ۇيلەستىرۋ كەڭەسىندە قازاقستانداعى جول-كولىك وقيعالارى ماسەلەسى تالقىلانعان. بەلگىلى بولعانداي، سوڭعى بەس جىلدا ەلىمىزدە 75 مىڭ جول اپاتى تىركەلىپ، 100 مىڭعا جۋىق ادام زارداپ شەككەن.

«جول اپاتىنىڭ تورتتەن ءبىر بولىگى جۇرگىزۋشىلەردىڭ جىلدامدىقتى شەكتەن تىس اسىرعانىنىڭ سالدارىنان بولعان. سونىمەن قاتار جول-كولىك وقيعاسى جول قوزعالىسى ەرەجەلەرىن، ونىڭ ىشىندە كولىكتى ماس كۇيدە باسقارۋ جانە مالدىڭ جايىلىمىن باقىلاۋسىز قالدىرۋ سالدارىنان بولعان»، - دەلىنگەن باس پروكۋراتۋرا ۇيلەستىرۋ كەڭەسىنىڭ حابارلاماسىندا.

سونداي-اق جول-كولىك وقيعالارىنىڭ بولۋىنا جولدار مەن جول ينفراقۇرىلىمىنىڭ ساپاسىزدىعى، جول ەرەجەسىن بۇزاتىن جاياۋ جۇرگىنشىلەر مەن تاكسي جۇرگىزۋشىلەرى اسەر ەتكەن. دەگەنمەن ماسەلە تەك زاڭسىز تاسىمالدايتىن تاكسي جۇرگىزۋشىلەرىن جاۋاپقا تارتۋمەن شەكتەلمەيدى. ۇيلەستىرۋ كەڭەسى كەزىندە جول قاۋىپسىزدىگىنىڭ كەشەندى شارالارىن جانە بارلىق ەرەجە بۇزۋشىعا قاتىستى نولدىك توزىمدىلىك قاعيداسىن ەنگىزۋ ۇسىنىلعان.

باس پروكۋراتۋرا جول قوزعالىسى ەرەجەلەرىن بۇزۋ فاكتىلەرىن ازايتۋ ماقساتىندا ينفراقۇرىلىمدى جاقسارتىپ، جول قوزعالىسى ەرەجەلەرىن بۇزۋ جاعدايىن اۆتوماتتى تۇردە تىركەيتىن كامەرالار جەلىسىن كوبەيتۋدى، ايىپپۇلداردىڭ كولەمىن ارتتىرۋدى كوزدەپ وتىر.

ۆەدومستۆودا «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسىنىڭ كودەكسىنە جول قوزعالىسى ەرەجەلەرىن ورەسكەل جانە قايتالاپ بۇزعانى ءۇشىن جازانى كۇشەيتۋدى كوزدەيتىن وزگەرىستەردى ازىرلەۋ ماسەلەسى قولعا الىنعانىن اتاپ ءوتىلدى. نولدىك توزىمدىلىك قاعيداسى - بۇل شاعىن زاڭ بۇزۋشىلىقتاردىڭ ارتى اسا قاۋىپتى زاڭ بۇزۋشىلىقتارعا ۇلاسىپ كەتۋىن الدىن الۋ ماقساتىندا قابىلداناتىن شارالار. ياعني ازامات قانداي دا ءبىر زاڭ بۇزۋشىلىقتى جاساعان جاعدايدا بىردەن جاۋاپقا تارتىلادى.

سوڭعى جاڭالىقتار