قازاقستاندا جوشى حان تۋرالى سەريالدىڭ ءتۇسىرىلىمى جۋىردا باستالادى

استانا. قازاقپارات  - Karga Seven Pictures-تەن جوبانىڭ اتقارۋشى پروديۋسەرى جانە رەجيسسەرى ەمرە شاحين، پروديۋسەر فيكرەت مانوگلۋ جانە قويۋشى-سۋرەتشى زەكي سارايوگلۋ مەملەكەتتىك كەڭەسشى ەرلان قارينمەن جەكە كەزدەسىپ، التىن وردانىڭ نەگىزىن قالاۋشى جوشى حان تۋرالى شاعىن سەريالدىڭ ءتۇسىرىلىمى بارىسىن تالقىلاۋ ءۇشىن قازاقستانعا كەلدى. بۇل تۋرالى كينو ماماندارى جەلىدەگى پاراقشاسىندا جازدى.

پروديۋسەرلىك كومپانيانىڭ وكىلدەرى سەناري بويىنشا جۇمىستىڭ اياقتالعانىن حابارلادى، ونى ازىرلەۋگە بەلگىلى جازۋشى دجاستين پوللارد («ۆيكينگتەر») جانە كلەر مۋرسوم (كورول ۆنە زاكونا)، سونداي-اق قازاقستاندىق جانە حالىقارالىق تاريحشىلار مەن ساراپشىلار قاتىستى.

سونداي-اق ولار سەناريدى ازىرلەۋ كەزىندە جوشى ۇلىسىنىڭ، التىن وردانىڭ تاريحىن، سونىمەن قاتار كوشپەلى حالىقتار مەن قازاقتىڭ مادەني قۇندىلىقتارى مەن ءومىر سالتىن زەرتتەۋ جۇرگىزىلگەنىن ءمالىم ەتتى.

بۇگىندە ءتۇسىرىلىم ورىندارىن ىزدەۋ اياقتالدى جانە كاستينگ ءجۇرىپ جاتىر. سەريالدىڭ ءتۇسىرىلىمى جاقىن ارادا باستالادى دەپ جوسپارلانىپ وتىر.

ەسكە سالا كەتسەك، ساۋىردە جوشى حان تۋرالى جازىلعان تۇڭعىش تاريحي روماننىڭ تانىستىرىلىمى وتەتىنىن حابارلاعان ەدىك.

جۋىردا الەۋمەتتىك جەلى قولدانۋشىسى جوشى حان كەسەنەسىنىڭ قازىرگى جاعدايى تۋرالى جازبا جاريالاپ، تاريحي دۇنيەگە كوڭىل ءبولۋ قاجەتتىگىن ايتقان ەدى. فوتودان بايقاساق، عيماراتتىڭ ىرگەتاسىن ىلعال باسقانى كورىنەدى. وسىعان وراي جوشى حان كەسەنەسىنىڭ بۇگىنگى جاعدايى مەن كۇتىپ-باپتاۋ جۇمىستارى تۋرالى مادەنيەت جانە اقپارات مينيسترلىگىنەن سۇراپ بىلدىك.

اۆتور
داۋلەت ىزتىلەۋ