قازاقستاندا جوعارى وقۋ ورىندارىنا جاڭا بىلىكتىلىك تالاپتارى بەكىتىلدى

жоо
Фото: euronews.com

  ق ر عىلىم جانە جوعارى ءبىلىم ءمينيسترىنىڭ بۇيرىعىمەن جوعارى جانە جوعارى بىلىمنەن كەيىنگى ءبىلىم بەرۋ ۇيىمدارىنىڭ ءبىلىم بەرۋ قىزمەتىنە قويىلاتىن بىلىكتىلىك تالاپتارى جانە راستايتىن قۇجاتتار ءتىزىمى بەكىتىلدى، دەپ حابارلايدى Kazinform.

نەگىزگى بىلىكتىلىك تالاپتارىنا مىنالار جاتادى:

- ق ر عىلىم جانە جوعارى ءبىلىم مينيسترلىگىنىڭ ءبىلىم بەرۋ باعدارلامالارىنىڭ تىزىلىمىنە ەنگىزىلگەن ءبىلىم بەرۋ باعدارلاماسىنىڭ بولۋى.

- وقۋ تىلدەرى بويىنشا ءبىلىم بەرۋ باعدارلامالارىنىڭ %100 پاندەرىن قامتاماسىز ەتەتىن باسپا جانە (نەمەسە) ەلەكتروندى باسىلىمدار فورماتىندا وقۋ، وقۋ- ادىستەمەلىك جانە عىلىمي ادەبيەتتەردىڭ كىتاپحانا قورىنىڭ بولۋى («ۇلتتىق قاۋىپسىزدىك جانە اسكەري ءىس» سالاسى كادرلارىن دايارلاۋ باعىتتارى ءۇشىن - بەيىندەۋشى سيكل پاندەرىن قوسپاعاندا).

- وقۋ كورپۋستارىن جابدىقتالعان مەديتسينالىق پۋنكتتەرمەن قامتاماسىز ەتۋ. مەديتسينالىق قىزمەتكە ليتسەنزيانىڭ بولۋى. «ۇلتتىق قاۋىپسىزدىك جانە اسكەري ءىس» سالاسىندا كادر دايارلاۋدى ىسكە اسىراتىن جوعارى جانە جوعارى بىلىمنەن كەيىنگى ءبىلىم بەرۋ ۇيىمى ءۇشىن -ءبىلىم الۋشىلارعا مەديتسينالىق قىزمەت كورسەتىلۋى.

- وقۋ كورپۋستارىندا ءبىلىم الۋشىلاردىڭ تاماقتانۋى ءۇشىن جاعداي جاساۋ.

- ءبىلىم بەرۋ قىزمەتتەرىنىڭ ساپاسىن قامتاماسىز ەتەتىن قاجەتتى وقۋ كورپۋستارىنىڭ بولۋى:

1) مەملەكەتتىك ورگانداردىڭ نەمەسە كۆازيمەملەكەتتىك ۇيىمداردىڭ قاتىسۋىمەن جوعارى جانە جوعارى بىلىمنەن كەيىنگى ءبىلىم بەرۋ ۇيىمىنا مەنشىكتى نە شارۋاشىلىق جۇرگىزۋ نەمەسە جەدەل باسقارۋ نەمەسە سەنىمگەرلىك باسقارۋ قۇقىعىندا كەمىندە %5 تيەسىلى بولۋى؛

2) سانيتارلىق قاعيدالارعا ساي كەلەتىن الاڭى بار وقۋ عيماراتتارىنىڭ بولۋى؛

3) ءورت قاۋىپسىزدىگى قاعيدالارىنا ساي كەلۋى؛

4) جوعارى جانە جوعارى بىلىمنەن كەيىنگى ءبىلىم بەرۋ ۇيىمىنىڭ ءۇي-جايلارى مەن ىرگەلەس اۋماقتارىن بەينەباقىلاۋمەن قامتاماسىز ەتۋ؛

- ەرەكشە ءبىلىم بەرۋ قاجەتتىلىكتەرى بار ءبىلىم الۋشىلار ءۇشىن ءبىلىم بەرۋ قىزمەتتەرىنە كەدەرگىسىز تەڭ جاعداي جاساۋ:

1) كىرۋ جولدارىنىڭ، اقپاراتتىق-ناۆيگاتسيالىق قولداۋ قۇرالدارىنىڭ بولۋى، باسپالداقتاردى پاندۋستارمەن نەمەسە كوتەرگىش قۇرىلعىلارمەن قايتالاۋ، باسپالداقتار مەن پاندۋستاردى تۇتقالارمەن جابدىقتاۋ، ەسىكتەر مەن باسپالداقتاردى كونتراستتى بوياۋمەن بوياۋ، مۇگەدەكتىگى بار ادامدار ءۇشىن اۆتوكولىك قۇرالدارىن تۇراققا قويۋ ءۇشىن ورىن ءبولۋ؛

2) وقىتۋ قۇرالدارىمەن، وقۋ ادەبيەتتەرىمەن، بەيىمدەلگەن باعدارلامالارمەن جابدىقتالعان ارنايى كابينەتتىڭ بولۋى؛

3) ينكليۋزيۆتى ءبىلىم بەرۋ ادىستەمەسى بويىنشا بىلىكتىلىكتى ارتتىرۋ كۋرستارىنان نەمەسە تاعىلىمدامادان/قايتا دايارلاۋدان وتكەن مامانداردىڭ بولۋى.

- سىمسىز تەحنولوگيالار، كومپيۋتەرلىك كابينەتتەر، مامانداندىرىلعان ليتسەنزيالانعان باعدارلامالىق قامتامانى قوسا العاندا، كەڭ جولاقتى ينتەرنەتتىڭ بولۋى؛

- edu.kz ايماعىندا ءۇشىنشى دەڭگەيلى دومەندىك اتاۋدىڭ بولۋى.

- جوعارى جانە جوعارى بىلىمنەن كەيىنگى ءبىلىم بەرۋ ۇيىمىنىڭ اقىلى نەگىزدە 1 ءبىلىم الۋشىعا ەڭ تومەنگى شىعىندارىنىڭ مەملەكەتتىك ءبىلىم بەرۋ تاپسىرىسى قۇنىنىڭ كەمىندە %50 نا ساي بولۋى.

- وقىتۋشىلاردىڭ كەمىندە 3 جىلدا 1 رەت كەمىندە 72 ساعات بىلىكتىلىگىن ارتتىرۋدان ءوتۋىن قامتاماسىز ەتۋ.

- جوعارى جانە جوعارى بىلىمنەن كەيىنگى ءبىلىم بەرۋ ۇيىمى باسشىلارىنىڭ جانە ونىڭ مەنەدجمەنت سالاسىنداعى ورىنباسارىنىڭ 3 جىلدا كەمىندە 1 رەت بىلىكتىلىگىن ارتتىرۋدى قامتاماسىز ەتۋ.

- ءبىلىم بەرۋ باعدارلاماسىنا سايكەس، كادرلاردى دايارلاۋ باعىتى بويىنشا مامانداندىرىلعان عىلىمي- تەحنيكالىق جانە (نەمەسە) عىلىمي-ادىستەمەلىك جانە (نەمەسە) شىعارماشىلىق جانە (نەمەسە) ەكسپەريمەنتتىك بازامەن قامتاماسىز ەتۋ.

- تۇرۋ ءۇشىن جاعداي جاساۋ (جاتاقحانالارمەن/[حوستەلدەرمەن/ قوناق ۇيلەرمەن قامتاماسىز ەتۋ) .

- ءبىلىم تۋرالى بەرىلگەن قۇجاتتاردىڭ، سونداي- اق ديپلومدىق جۇمىستاردىڭ، ماگيسترلىك ديسسەرتاتسيالاردىڭ (ەلەكتروندى بازاعا نەمەسە اقپاراتتىق رەسۋرستارعا قول جەتكىزۋ) جۇمىس ىستەيتىن ەلەكتروندى دەرەكتەر بازاسىنىڭ (مۇراعات) بولۋى.

سونىمەن بىرگە، بۇل بۇيرىق جوعارى جانە جوعارى بىلىمنەن كەيىنگى ءبىلىم بەرۋ ۇيىمىنىڭ ءبىلىم بەرۋ قىزمەتىنە فيلوسوفيا دوكتورى (PhD) جانە بەيىنى بويىنشا دوكتور دارەجەسىن بەرە وتىرىپ، باكالاۆرلاردى، ماگيسترلەردى، رەزيدەنتۋرانى، جوعارى وقۋ ورنىنان كەيىنگى ءبىلىم بويىنشا دايارلاۋ ءۇشىن، سونداي- اق ونلاين وقىتۋ جۇرگىزەتىن ستۋدەنتتەرگە قويىلاتىن بەيىندىك بىلىكتىلىك تالاپتارىن بەلگىلەگەن.

قۇجات حالىقارالىق جانە شەتەلدىك وقۋ ورىندارىنىڭ دا ءبىلىم بەرۋ قىزمەتىنە قويىلاتىن بىلىكتىلىك تالاپتارىن قامتيدى.

جالپى بىلىكتىلىك تالاپتارىنان بولەك، ولار مىناداي شارتتارعا سايكەس كەلۋى كەرەك:

- عىلىم جانە جوعارى ءبىلىم سالاسىنداعى ۋاكىلەتتى ورگان بەرگەن/تانىعان وقىتۋشىلاردىڭ عىلىمي دارەجەسى بەيىنىنىڭ (عىلىم كانديداتى/عىلىم دوكتورى/فيلوسوفيا دوكتورى PhD/بەيىنى بويىنشا دوكتور) وقىتىلاتىن پاندەر بەيىنىنە سايكەستىگى.

- نەگىزگى جۇمىس ورنى ليتسەنزيات بولىپ سانالاتىن وقىتۋشىلار ۇلەسى ءبىلىم بەرۋ باعدارلامالارى بويىنشا وقىتۋشىلاردىڭ جالپى سانىنىڭ كەمىندە %50 قۇراۋى كەرەك.

- عىلىم جانە جوعارى ءبىلىم سالاسىنداعى ۋاكىلەتتى ورگان بەرگەن/تانىعان عىلىمي (اكادەميالىق) دارەجەسى (عىلىم كانديداتى/عىلىم دوكتورى/فيلوسوفيا دوكتورى PhD/بەيىنى بويىنشا دوكتور) جانە (نەمەسە) عىلىمي اتاعى بار ليتسەنزيات نەگىزگى جۇمىس ورنى بولىپ سانالاتىن ءبىلىم بەرۋ باعدارلامالارى بولىنىسىندە وقىتۋشىلاردىڭ ۇلەسى جانە كادرلاردى دايارلاۋ بەيىنى جانە «قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى» سپورتتىق اتاعى بويىنشا ق ر مەملەكەتتىك ناگرادالارىنا يە بولعان وقىتۋشىلار كەمىندە %70 بولۋى كەرەك.

- عىلىم جانە جوعارى ءبىلىم سالاسىنداعى ۋاكىلەتتى ورگان بەرگەن/تانىعان، عىلىمي- پەداگوگيكالىق جۇمىس ءوتىلى كەمىندە 3 جىل ءبىلىم بەرۋ باعدارلاماسىنىڭ بەيىنىنە سايكەس كەلەتىن عىلىمي (اكادەميالىق) دارەجەسى (عىلىم كانديداتى/عىلىم دوكتورى/فيلوسوفيا دوكتورى PhD/بەيىنى بويىنشا دوكتور) بار وقىتۋشىلاردىڭ بولۋى، ولاردىڭ حالىقارالىق رەتسەنزيالاناتىن عىلىمي جۋرنالدا كەمىندە 2 ماقالانىڭ اۆتورى، JCR (ج ج ج) دەرەكتەرى بويىنشا يمپاكت- فاكتورى بار جانە Web of Science Core Collection دەرەكقورىندا يندەكستەلەتىن (Arts and Humanities Citation Index, Science Citation Index Expanded, Social Sciences Citation Index نەمەسە Scopus دەرەكقورىندا citescore بويىنشا كەمىندە 25 پايىزدىق كورسەتكىشى بولۋى.

- ازاماتتىق زاڭناماعا سايكەس، ءبىلىم بەرۋ باعدارلامالارىنىڭ بەيىنى بويىنشا پراكتيكا بازالارى بار شارتتاردىڭ بولۋى.

بۇيرىق 2024 -جىلدىڭ 12-ناۋرىزىندا كۇشىنە ەنەدى.

سوڭعى جاڭالىقتار