قازاقستاندا جۇمىسسىزدىق دەڭگەيى نەگە تومەن؟
استانا. قازاقپارات - قازاقستاندا جۇمىسسىزدىق دەڭگەيى نەگە فينليانديا مەن فرانسياعا قاراعاندا تومەن؟ بۇل سۇراققا حالىقتى جۇمىسپەن قامتۋ دەپارتامەنتىنىڭ ديرەكتورى ازيز يبراگيموۆ جاۋاپ بەردى، - دەپ حابارلايدى Massaget.kz.
رەسمي مالىمەتتەرگە سايكەس قازاقستاندا جۇمىسسىزدىق دەڭگەيى 5 پايىزدان تومەن. و ق ك-دا وتكەن بريفينگتە جۋرناليستەر جاۋاپتى ادامنان فينليانديا نەمەسە فرانسيادا جۇمىسسىزدىق دەڭگەيى 8 پايىزدان جوعارى، نەگە قازاقستاندا 4,6 پايىز ەكەنىن سۇرادى.
«بۇل ەلدەردە مەملەكەتتىك ورگاندار ناشار جۇمىس ىستەي مە، الدە بىزدە ەسەپتەۋ ءادىسى باسقاشا ما؟» - دەگەن سۇراق قويىلدى.
ازيز يبراگيموۆتىڭ ايتۋىنشا، قازاقستاندا جۇمىسسىزداردى ەسەپكە الۋدى ۇلتتىق ستاتيستيكا بيۋروسى تاڭداۋلى زەرتتەۋ ارقىلى جۇرگىزەدى.
«مۇندا ماڭىزدى نارسە: تىركەلگەن جۇمىسسىزدىق پەن تىركەلمەگەن جۇمىسسىزدىق دەگەن ۇعىمدار بار. ءبىرى - جۇمىسپەن قامتۋ ورتالىقتارىنا بارىپ تىركەلگەن ادامدار، ەكىنشىسى - رەسمي تىركەلمەگەن، ءبىراق جۇمىسسىز جۇرگەن ازاماتتار. سوندىقتان بۇل ماسەلە ءار ەل قولداناتىن ءادىسناماعا بايلانىستى»، - دەدى يبراگيموۆ.
