قازاقستاندا جۇمىس ىستەيتىن قىتايلىقتار سانى 20 پايىز ارتقان

استانا. KAZINFORM – بۇگىنگى تاڭدا Finprom.kz رەسۋرسىنىڭ مالىمەتى بويىنشا، ەلىمىزدىڭ استاناسى مەن شىعىس قازاقستان، اباي وبلىستارىنان جۇمىس ىزدەپ شەتەلگە كەتۋشىلەر ارتقان.

1-ناۋرىزداعى جاعداي بويىنشا شەتەلدىكتەردىڭ كۇشىن پايدالاناتىن جۇمىس بەرۋشىلەردىڭ سانى 1,6 مىڭعا جەتكەن. اتالعان كاسىپورىنداردا 459 مىڭ قازاقستان ازاماتى (%99,5)، 13,1 مىڭ شەتەلدىك ەڭبەك ەتىپ جاتىر.

شەتەلدىك جۇمىسشىلاردىڭ ىشىندە باسشى جانە باسشىنىڭ ورىنباسارى بولىپ ەڭبەك ەتىپ جۇرگەندەردىڭ سانى ءبىر جىلدا %0,4 ارتىپ، 567 ادامعا جەتكەن. ال قۇرىلىمدىق بولىمشەلەردەگى جەتەكشىلەردىڭ سانى %10,4 ازايىپ، 2,7 ادامعا تۇسكەن.

ەلدە 5,8 مىڭ شەتەلدىك مامان جۇمىس ىستەپ ءجۇر. بۇل ءبىر جىل بۇرىنعى كورسەتكىشتەن %19,8 از. قازاقستاندا جۇمىس ىستەپ جۇرگەندەردىڭ كوبى قىتاي ازاماتتارى - 4,1 ادام. بۇل بىلتىرعىدان %20,8 پايىز ارتىق. ودان كەيىن ءۇندىستان (1,2 مىڭ ادام)، تۇركيا (1,1 مىڭ ادام) جانە وزبەكستان (908 ادام) ازاماتتارى بار.

ماتەريالدا شەتەلدىك جۇمىس كۇشى كوبىنەسە قۇرىلىس سالاسىندا ءجيى پايدالانىلاتىنىن ايتىلعان.

«ەلدەن 548 ادام جۇمىس ىزدەپ كەتكەن. بۇل بىلتىرعىدان %25,6 از. جۇمىس ىزدەپ سىرتقا كەتۋشىلەر كوبىنەسە استانادان (256 ادام)، شىعىس قازاقستان (58 ادام) جانە اباي وبلىستارىنان (42 ادام) شىعادى»، - دەلىنگەن ساراپتامادا.