قازاقستاندا جەكە ۇيلەر قاي جەردە كوپ پايدالانۋعا بەرىلدى؟

استانا. قازاقپارات - 2024 -جىلدىڭ ءبىرىنشى جارتىجىلدىعىندا قازاقستاندا 14930 جەكە جەر ءۇي سالىندى، دەپ حابارلايدى Baq.kz.

ۇلتتىق ستاتيستيكا بيۋروسىنىڭ مالىمدەۋىنشە، تۇرعىن ءۇيدىڭ كوپ مولشەرى الماتى وبلىسىندا - 2134 ءۇي پايدالانۋعا بەرىلدى. ودان كەيىنگى ورىندا تۇركىستان وبلىسى - 1688 جەكە تۇرعىن ءۇي جانە ءۇشىنشى ورىندا 1457 جەكە تۇرعىن ءۇي سالىنعان قىزىلوردا وبلىسى تۇر.

پايدالانۋعا بەرىلگەن جەكە ۇيلەردىڭ جالپى اۋدانى 2,8 ميلليون شارشى مەتردى قۇرادى.

جەكە تۇرعىن ءۇي قۇرىلىسىنىڭ ناقتى قۇنى 436,7 ميلليارد تەڭگەنى قۇرادى.

ايتا كەتەيىك، تۇرعىن ءۇيدى ساتىپ الۋ-ساتۋ نارىعىندا جارتى جىل ىشىندە جەكە جەر ۇيلەر بويىنشا 41215 مامىلە رەسىمدەلگەن.