15:46, 04 - مامىر 2024 | GMT +6
قازاقستاندا جاساندى ينتەللەكت كوميتەتى قۇرىلدى
استانا. KAZINFORM - سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى جانىنان جاساندى ينتەللەكت جانە يننوۆاتسيانى دامىتۋ كوميتەتى قۇرىلدى. ۇكىمەتتىڭ ءتيىستى قاۋلىسى جاريالاندى.
قۇجاتقا سايكەس، جاڭا ۆەدومستۆو جاساندى ينتەللەكت سالاسىنداعى مەملەكەتتىك ساياساتتىڭ جۇزەگە اسىرىلۋىنا، جاساندى ينتەللەكت تەحنولوگيالارىن دامىتۋ سالاسىنداعى نورماتيۆتىك- قۇقىقتىق رەتتەۋدى ازىرلەۋگە جانە جاساندى ينتەللەكت سالاسىنداعى سالاارالىق ۇيلەستىرۋدى جۇزەگە اسىرۋعا جاۋاپ بەرەدى.
مۇنان بولەك، ۇكىمەت قاۋلىسىمەن اتالعان مينيسترلىككە قاراستى گەودەزيا جانە كارتوگرافيا كوميتەتى تاراتىلدى.
