قازاقستاندا جاڭا ۇلتتىق قىزمەت قۇرىلادى
استانا. KAZINFORM - قازاقستاندا ۇلتتىق گيدروگەولوگيالىق قىزمەت قۇرىلادى.
سۋ رەسۋرستارى جانە يرريگاتسيا مينيسترلىگى «قازگيدروگەولوگيا» قىزمەتىن قۇرۋ تۋرالى قۇقىقتىق اكتىنىڭ جوباسىن جاريالادى. جاڭا ءبولىم جەر استى سۋلارىنىڭ رەسۋرستارىن باسقارۋدى سيفرلاندىرۋدى، گيدروگەولوگيا سالاسىندا دەرەكتەر بازالارىن جانە تۇراقتى گەوگرافيالىق اقپاراتتىق جۇيەلەردى، جەردى قاشىقتان زوندتاۋ دەرەكتەرىن پايدالانا وتىرىپ، سيفرلىق جانە كارتوگرافيالىق دەرەكتەر بازاسىن جانە ولاردى باسقارۋ جۇيەلەرىن قۇرۋدى جۇزەگە اسىرادى.
قاۋلىعا سايكەس سۋ رەسۋرستارى جانە يرريگاتسيا مينيسترلىگى مەن قارجى مينيسترلىگى ۇلتتىق گيدروگەولوگيالىق قىزمەتتىڭ جارعىسىن بەكىتىپ، ۇيىمدى ادىلەت ورگاندارىندا تىركەۋى، مەملەكەتتىك تىركەۋ، قارجى-شارۋاشىلىق قىزمەتتى جۇزەگە اسىرۋ جانە باسقارۋ ورگاندارى قۇرىلعانعا دەيىن ۇيىمنىڭ مۇددەلەرىن ءۇشىنشى تۇلعالار الدىندا ءبىلدىرۋ ءۇشىن قىزمەت اتىنان قۇجاتتارعا قول قويۋ ءۇشىن تۇلعانى تاڭداۋعا ءتيىس.
جوبا 2024-جىلعى 19-ساۋىرگە دەيىن قوعامدىق تالقىلاۋ ءۇشىن جاريالانىمدا بولادى.
Massaget.kz
