قازاقستاندا حالىق سانىنىڭ ءوسۋى ەڭ وپتيميستىك بولجامنىڭ وزىنەن اسىپ ءتۇستى - ەرلان قارين

 قازاقستان حالىق سانىنىڭ ءوسۋى جاعىنان ەڭ وپتيميستىك بولجامنىڭ وزىنەن اسىپ ءتۇستى، دەپ جازدى قازاقستان رەسپۋبليكاسىنىڭ مەملەكەتتىك كەڭەسشىسى ەرلان قارين تەلەگرامداعى ارناسىندا.

"بۇگىن پرەزيدەنت قاسىم- جومارت توقايەۆ قازاقستان حالقىنىڭ سانى 20 ميلليون ادامعا جەتكەنىن ءمالىم ەتتى. حالىقارالىق جانە وتاندىق ساراپشىلاردىڭ جاقىن اراداعى بولجامى بويىنشا، مۇنداي كورسەتكىشكە، ەڭ جاقسى ناتيجە كورسەتكەننىڭ وزىندە 2024 -جىلى جەتۋىمىز كەرەك ەدى.

ب ۇ ۇ- نىڭ 2017 -جىلعى قۇجاتىندا قازاقستاننىڭ حالىق سانى 2030 -جىلى 20,301 ميلليون ادامعا جەتەدى دەپ بولجانعان. كەيىنىرەك، ياعني 2019 -جىلى ب ۇ ۇ 2030 -جىلى حالىق سانى 20,639 ادام بولۋى مۇمكىن دەپ كورسەتتى" دەپ جازادى قازاقستان رەسپۋبليكاسىنىڭ مەملەكەتتىك كەڭەسشىسى.

ەڭ كەيىنگى جورامالداردىڭ وزىندە تۇرعىندار سانىنىڭ وسۋىنە قاتىستى بولجام باسقا بولعان ەكەن.

"ماسەلەن، 2022 -جىلى ەڭبەك رەسۋرستارىن دامىتۋ ورتالىعى ەڭ جاقسى ناتيجە كورسەتكەننىڭ وزىندە قازاقستان حالقىنىڭ سانى 2024 -جىلى 20,312 ادامعا نەمەسە ناشار كورسەتكىش بولسا 2025 -جىلى 20,083 ميلليون ادامعا جەتەدى دەپ بولجاعان. دەگەنمەن تۋۋ دەڭگەيى ءوسىپ، ءومىر ءسۇرۋ ۇزاقتىعى ارتىپ، ءولىم سانى ازايعاننىڭ ارقاسىندا قازاقستان حالىق سانىنىڭ ءوسۋى جاعىنان ەڭ وپتيميستىك بولجامنىڭ وزىنەن اسىپ ءتۇستى"، - دەپ جازدى ەرلان قارين.