قازاقستاندا فوتو جانە ۆيدەو ءتۇسىرىلىم باعاسى قانشا تۇرادى

مەرەيتوي، سالتاناتتى شارا، وتباسىنداعى قۋانىشتى ساتتەردە فوتوگراف پەن ۆيدەوگرافتار جالدايتىنىمىز بەلگىلى. Kazinform اگەنتتىگى قىزمەتتىڭ بۇل ءتۇرى قانشا تۇراتىنىن انىقتاپ ءبىلدى.

Сколько стоит фото и видеосъемка в Казахстане
Коллаж: Kazinform

قىزمەتتىڭ بۇل ءتۇرى تاپسىرىس بەرۋشىلەردىڭ قالاۋىنا قاراي وزگەرىپ وتىرادى. ءبىر عانا ادامدى، ءتىپتى ءبىر توبىن شاقىرا الاسىز. قازىرگى كەزدە ەلىمىزدىڭ ايماقتارىندا باعا شامالاس.

فوتوگرافتار ورتا ەسەپپەن ساعاتىنا 10000 تەڭگە الادى. ال ۆيدەووپەراتورلار 20000 تەڭگەدەن سۇرايدى. ءبىراق كەيدە ولار ءبىر تويعا ءبىر باعا بەكىتەدى. ول تەك كەشكى باسقوسۋ ەمەس، قۇدا كۇتىپ، شاڭىراقتاعى وتىرىستى قوسا ەسەپتەيدى.

تارازدا قىزمەت كورسەتۋشى ادامنىڭ كاسىبيلىگى، قۇرال- جابدىقتارىنىڭ ساپاسى مەن كوماندا قۇرامىنا وراي الدىن الا ەسەپتەلگەن باعا پاراقشاسى بار. مۇندا وپەراتور قىزمەتى 15000 تەڭگەدەن باستالىپ، 300000 تەڭگەگە دەيىن جەتەدى. ال فوتوگرافتى 30000 تەڭگەگە جالداۋعا بولادى.

اقتاۋ، اقتوبە، قوستاناي، قىزىلوردا مەن قونايەۆتا فوتوگرافتار قىزمەتى 15 000-20 000 تەڭگە تۇرادى. ال ۆيدەووپەراتورلار قىزمەتى 100 000 تەڭگەدەن جوعارىلاي بەرەدى.

كوكشەتاۋ، پەتروپاۆل، تالدىقورعان فوتوگرافتارى سالتاناتتى شارالاردى 30000 تەڭگەگە ءتۇسىرىپ بەرەدى. بەينە ءتۇسىرىلىم باعاسى 100000 تەڭگەدەن باستالادى.

ورالدا فوتو جانە ۆيدەووپەراتورلار قىزمەتىنىڭ قۇنى 60000 تەڭگەدەن باستالادى.

ال پاۆلودار، جەزقازعان، قاراعاندى، اتىراۋ مەن شىمكەنتتە ۆيدەووپەراتورلار باعاسى قولجەتىمدى.

استانالىق وپەراتورلار مەن فوتوگرافتار ءتاريفتى ساعاتىنا ەسەپتەيدى. فوتوگرافتار 1 ساعاتقا 15000 تەڭگە جانە ودان جوعارى اقى سۇرايدى. ال بەينەتۇسىرىلىم قىزمەتى ساعاتىنا 10000 تەڭگەدەن باستالادى.

سەمەيدە وپەراتورلار قىزمەتى قولجەتىمدى. مۇندا ۆيدەوگراف قىزمەتى 30000 تەڭگە تۇرادى.

ەلىمىزدىڭ وڭتۇستىك استاناسىندا باعا جوعارى. مۇندا دا فوتو، ۆيدەو تۇسىرەتىن ماماندار ءار ساعاتىنا اقشا الادى. ءبىر ساعاتتىق فوتو ءتۇسىرىلىم باعاسى 20000 تەڭگە. ال بەينە ءتۇسىرىلىم باعاسى 45000 تەڭگەدەن باستالىپ، كوتەرىلە بەرەدى.

قىزمەت كورسەتۋشىلەر فوتونى ارلەپ، ۆيدەونى مونتاجداپ تا بەرەدى.

Қазақстанда фото және видео түсірілім бағасы қанша тұрады
Инфографика: Kazinform

 

سوڭعى جاڭالىقتار