قازاقستاندا شوكولاد ءوندىرىسى %11,3 ءوستى
قازاقستاندا شوكولاد جانە كونديتەرلىك ونىمدەر ءوندىرىسى %11,3 ءوستى، دەپ حابارلايدى Kazinform ۇلتتىق ستاتبيۋروعا سىلتەمە جاساپ.
2023 -جىلدىڭ قاڭتار- قاراشا ايلارىندا زاتتاي تۇردە 97,5 مىڭ توننا شوكولاد جانە شوكولاد پەن قانتتان جاسالعان كونديتەرلىك ءونىم ءوندىرىلدى.
2022 -جىلدىڭ ءتيىستى كەزەڭىندە اتالعان ءونىمنىڭ ءوندىرىس كولەمى 9,9 مىڭ تونناعا از بولعان.
وتكەن جىلدىڭ 11 ايىندا بارلىعى 87,6 مىڭ توننا شوكولاد جانە كونديتەرلىك ءونىم وندىرىلگەن.
وسىلايشا ءوندىرىس وتكەن جىلدىڭ قاڭتار- قاراشاسىمەن سالىستىرعاندا%11,3 ءوستى.
ايتا كەتەيىك، يمپورتتالاتىن شوكولاد ونىمدەرىنىڭ ۇلەس سالماعى بيىلعى 10 ايدا %52,8 قۇرادى.
10 ايدىڭ قورىتىندىسى بويىنشا ىشكى نارىقتا 155,9 مىڭ توننا شوكولاد پەن كونديتەر ءونىمى ساتىلدى.
بۇل رەتتە ەكسپورتقا 30 مىڭ توننا ءتاتتى ءونىم جونەلتىلدى.
