قازاقستاندا شەتەلدىك ءتورت ج و و- نىڭ فيليالى اشىلادى

 استانا. KAZINFORM -شەتەلدىك تانىمال 12 ۋنيۆەرسيتەتتىڭ فيليالى قازاقستاندا اشىلدى. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ءمالىم ەتتى.

«قازاقستاندا قازىردىڭ وزىندە مىقتى شەتەلدىك ۋنيۆەرسيتەتتەردىڭ 12 فيليالى اشىلدى. بيىل تاعى تورتەۋى اشىلادى. بىرىنشىدەن، وتە جاقسى جاڭالىق بار. گونكونگ قالالىق ۋنيۆەرسيتەتى (City university of Hong Kong) الەمدىك رەيتينگتە 82-ورىندا. ونىڭ فيليالى ساتبايەۆ ۋنيۆەرسيتەتى بازاسىندا جۇمىسىن باستايدى»، - دەدى س. نۇربەك پارلامەنت ماجىلىسىندە تىلشىلەر سۇراعىنا جاۋاپ بەرە وتىرىپ.

سونىمەن قاتار ول الماتىدا پەنسيلۆانيا ۋنيۆەرسيتەتىنىڭ فيليالى اشىلاتىنىن ايتتى.

«اگرارلىق ۋنيۆەرسيتەتتىڭ بازاسىندا بۇرىننان اتى شىققان تاشكەنت يرريگاتسيا ينجەنەرلەرى ينستيتۋتى اشىلادى»، - دەلى مينيستر.

اۆتور

رۋسلان عابباسوۆ