قازاقستاندا ۇشاققا كەشىگىپ قالساڭىز نە ىستەۋ كەرەك؟

جاز - ساياحات ماۋسىمى. كوپتەگەن قازاقستاندىق باسقا قالاعا جانە شەتەلگە دەمالۋعا نەمەسە جۇمىس بابىمەن ۇشاقپەن بارادى.

Аэропорт Алматы самолет аэродром Алматы әуежайы ұшақ
Фото: Александр Павский/ Kazinform

جولعا شىعاردا ءتۇرلى جاعداي بولادى. ۇشاققا كەشىگىپ قالساڭىز نە ىستەۋ كەرەك؟ Tengri Travel قازاقستاندىق اۋە كومپانيالاردان جاۋاپ الدى.

تاريف ەرەجەلەرىنە سايكەس بيلەتتى قايتارۋ ءۇشىن جولاۋشى بيلەتتى ساتىپ العان جەرگە جۇگىنۋى كەرەك. ەگەر بيلەت Air Astana سايتىندا ساتىپ الىنعان بولسا، وندا جولاۋشى ءوتىنىمدى سايتتا راسىمدەي الادى. ەگەر بيلەت اگەنتتىكتەن ساتىپ الىنعان بولسا، سايكەسىنشە جولاۋشى اگەنتتىككە جۇگىنۋى كەرەك.

"جولاۋشى تىركەۋگە كەشىگىپ كەلسە، اۆياكومپانيا بورتتان ورىن بەرۋگە كەپىلدىك بەرە المايدى. وعان قوسا، برون جويىلۋى مۇمكىن، ال اۆيابيلەت قۇنىن قايتارۋ تاريف ەرەجەلەرىنە سايكەس جۇزەگە اسىرىلادى. جوعارىدا كورسەتىلگەن مەرزىمدەردى ساقتاماۋ سالدارىنان كەلتىرىلگەن شىعىندار ءۇشىن اۆياكومپانيا جاۋاپ بەرمەيتىنىنە نازار اۋدارامىز."، - دەپ ناقتىلادى اۆياكومپانيادا.

جولاۋشى ۇشاققا كەشىگىپ قالسا، بيلەتتى تاپسىرۋدىڭ قاجەتى بار ما؟

"ەگەر تاريف ايىپپۇل ۇستاپ قالىپ، باسقا كۇنگە قايتا برون جاساۋعا مۇمكىندىك بەرسە، وندا جولاۋشى وزگەرىستەردى ەنگىزۋ ءۇشىن بيلەتتى ساتىپ العان جەرگە جۇگىنۋ كەرەك"، - دەدى باسپا ءسوز قىزمەتى.

ءباسپاسوز قىزمەتى جولاۋشى رەيسكە كەشىككەن نەمەسە كەلمەگەن جاعدايدا پايدالانىلماعان اۋەجاي الىمى عانا قايتارىلاتىنىن ايتتى.

"الايدا، جولاۋشىلاردىڭ ىشكى باعىتتارعا جوسپارلانعان ۇشۋ ۋاقىتىنا دەيىن 2 ساعاتتان كەشىكتىرمەي جانە ايىپپۇل تولەۋ ارقىلى حالىقارالىق باعىتتارعا جوسپارلانعان ۇشۋ ۋاقىتىنا دەيىن 3 ساعاتتان كەشىكتىرمەي برونداۋدان باس تارتۋ مۇمكىندىگى بار. قايتارۋدى ءوزىڭىز flyarystan.com سايتىندا نەمەسە FlyArystan ءموبيلدى قوسىمشاسىندا راسىمدەي الاسىز. ەگەر بيلەتتەر باسقا كوزدەر ارقىلى ساتىپ الىنسا، وندا ساتىپ العان جەرگە جۇگىنۋ كەرەك"، - دەپ حابارلادى اۆياكومپانيا.

اۆياكومپانيانىڭ باسپا ءسوز قىزمەتى ەگەر جولاۋشى رەيسكە كەشىگىپ قالسا، كەز كەلگەن سۇراقپەن اۋەجايدا ورنالاسقان اۆياكومپانيانىڭ وكىلدىگىنە جۇگىنە الاتىنىن اتاپ ءوتتى.

"ارينە، بيلەتتى وزگەرتۋگە نەمەسە تاپسىرۋعا بولادى. ءبىراق رەيسكە كەلمەگەن جاعدايدا بيلەتتى قايتارۋ نەمەسە ايىرباستاۋ ايىپپۇل سانكتسيالارىن قولدانا وتىرىپ جۇرگىزىلەدى. ايىپپۇلدىڭ مولشەرى بيلەتتى ساتىپ العان تاريفكە بايلانىستى. جولاۋشى بيلەتتى ساتىپ الۋ كەزىندە ءتاريفتىڭ شارتتارىن كورەدى. قايتارۋ جانە ايىرباستاۋ ساتىپ العان جەردە جۇزەگە اسىرىلادى. ەگەر جولاۋشى بيلەتتى اۆياكومپانيانىڭ سايتىنان ساتىپ السا، وندا قايتارۋ نەمەسە ايىرباستاۋدى تىكەلەي اۋەجايدا اۆياتاسىمالداۋشىنىڭ كاسساسىندا راسىمدەۋگە بولادى. باسقا جاعدايلاردا ساتىپ العان جەرگە جۇگىنۋ قاجەت"، - دەپ حابارلادى باسپا ءسوز قىزمەتى.

"ەگەر جولاۋشى رەيسىنە كەشىگىپ قالسا، ول ءوز قالاۋى بويىنشا بيلەتتى قايتارا الادى. قايتارۋ بيلەتتى ساتىپ الۋ ورنى بويىنشا جۇرگىزىلەدى. جولاۋشى بايلانىس ورتالىعىنا 77273561414 تەلەفون ءنومىرى نەمەسە [email protected] پوشتاسى ارقىلى حابارلاسا الادى: بۇل كەزدە بيلەت ءنومىرىن ايتۋ كەرەك. ايىرباستاۋ جانە قايتارۋ شارتتارى، سونداي- اق قايتارۋ سوماسىنىڭ مولشەرى ساتىپ الىنعان ءتاريفتى قولدانۋ ەرەجەلەرىنە بايلانىستى"، - دەپ حابارلادى باسپا ءسوز قىزمەتى.

Massaget.kz

سوڭعى جاڭالىقتار