قازاقستاندا شاش قيۋ باعاسى شارىقتاپ كەتتى
استانا. KAZINFORM - ەلىمىزدە شاشتاراز جانە سۇلۋلىق سالونى قىزمەتتەرىنىڭ باعاسى ءبىر جىل ىشىندە 12 پايىزعا وسكەن.

Finprom.kz سايتىنىڭ مالىمەتىنشە، بيىل قاڭتار-ناۋرىز ايلارىندا شاشتاراز جانە سۇلۋلىق سالوندارى كورسەتكەن قىزمەت كولەمى 18,7 ميلليارد تەڭگەنى قۇراعان.
بۇل - وتكەن جىلدىڭ سايكەس كەزەڭىمەن سالىستىرعاندا 2,3 ەسە ارتىق. ءبىر جىل بۇرىن ءوسىم 18,2 پايىزعا دەيىن تىركەلگەن ەدى.
2024-جىلدىڭ مامىر ايىنىڭ سوڭىندا شاشتارازدار مەن سۇلۋلىق سالوندارىنداعى قىزمەتتەردىڭ باعاسى ايىنا 1,4 پايىزعا وسكەن.
ءبىر اي بۇرىن 1,2 پايىز ءوسىم بايقالسا، وتكەن جىلدىڭ سايكەس كەزەڭىندە 0,5 پايىزدى قۇراعان بولاتىن.
ءبىر جىل ىشىندە شاشتاراز جانە سۇلۋلىق سالوندارىنداعى قىزمەتتەردىڭ باعاسى 12,1 پايىزعا ارتىپ وتىر. ءبىر جىل بۇرىن باعانىڭ جىلدىق ءوسىمى 16,6 پايىزعا تەڭ ەدى.
اتاپ ايتساق، ءبىر جىل ىشىندە مانيكيۋر قىزمەتى — 15,9 پايىزعا، ايەلدەر مەن ەرلەردىڭ شاش قيۋى تيىسىنشە 14,5 پايىزعا جانە 11,4 پايىزعا ارتقان.
ال، ەپيلياتسيا جانە پەديكيۋر قىزمەتتەرىنىڭ باعاسى سايكەسىنشە 8,3 پايىز جانە 7,1 پايىز دەيىن وسكەن.
ەلىمىزدە ايەلدەردىڭ شاش قيۋىنا ورتاشا ەسەپپەن 3,6 مىڭ تەڭگەن قاجەت ەكەن. ەرلەردىڭ شاش قيۋىنىڭ ورتاشا باعاسى 2,5 مىڭ تەڭگەگە تەڭ.
ايەلدەردىڭ شاش قيۋىنىڭ ەڭ جوعارى باعاسى الماتى جانە استانا قالالارىندا تىركەلدى (5,3 مىڭ جانە 4,5 مىڭ تەڭگە).
ەرلەردىڭ شاش قيۋى الماتى مەن قاراعاندى وبلىسىندا قالتاعا سالماق سالادى. اتالعان شاھارلارداعى باعا، سايكەسىنشە 3,6 مىڭ جانە 3,1 مىڭ تەڭگەنى قۇراپ وتىر.