قازاقستاندا ءولىم ازايدى، ءومىر ءسۇرۋ ۇزاقتىعى ارتتى - مينيستر م ءا م س تۋرالى سىنعا جاۋاپ بەردى

استانا. KAZINFORM - دەنساۋلىق ساقتاۋ ءمينيسترى اقمارال ءالنازاروۆا مىندەتتى الەۋمەتتىك مەديتسينالىق ساقتاندىرۋ مەحانيزمىنىڭ ناتيجەسىن بايانداپ، پارلامەنت سىنىنا جاۋاپ بەردى.

Ақмарал Әлназарова
فوتو: ۆيكتور فەديۋنين/ Kazinform

− مىندەتتى الەۋمەتتىك مەديتسينالىق ساقتاندىرۋدىڭ ەنگىزىلۋى دەنساۋلىق ساقتاۋ سالاسىن قارجىلاندىرۋ كولەمىن 3 ەسەگە - 1 تريلليوننان 2,9 تريلليون تەڭگەگە دەيىن ۇلعايتۋعا مۇمكىندىك بەردى. بۇل سالانىڭ كوپتەگەن باعىتتارىن قارجىلىق رەسۋرستارمەن بارىنشا تولىقتىردى. ونىڭ ىشىندە دارىگەرلەر جالاقىلارىنىڭ 2,3 ەسە وسكەنىن ايتىپ كەتكەن ءجون. تۇرعىنداردىڭ مەديتسينالىق كومەككە جۇمسالاتىن قالتا شىعىندارى %34 دان %28 عا دەيىن ازايدى. الايدا ءالى دە جوعارى بولىپ قالىپ وتىر، - دەدى ا. ءالنازاروۆا.

ءمينيستردىڭ ايتۋىنشا، دەنساۋلىق ساقتاۋ سالاسىنداعى قارجىلاندىرۋدىڭ بارلىق كوزىنەن بولىنەتىن شىعىس كولەمى جالپى ىشكى ءونىمنىڭ %4  ىنا جەتتى.

− مىندەتتى الەۋمەتتىك مەديتسينالىق ساقتاندىرۋ جۇيەسىنىڭ ەنگىزىلۋ مەرزىمى «COVID-19» پاندەمياسىمەن قاتار كەلدى. وعان قوسا، جارناپۇلداردىڭ باستاپقى پارامەترلەرى 1,4 جانە 3,5 ەسەگە قىسقارتىلدى. بۇل بيۋدجەتتىڭ كىرىس بولىگىنە اسەر ەتتى. مۇنداي جاعدايدا كىرىس بولىكتى كەزەڭ-كەزەڭىمەن ۇلعايتىپ، جارناپۇلداردىڭ باستاپقى پارامەترلەرىن قايتارۋ نەمەسە قابىلداعان كەپىلدىكتەردى قايتا قاراۋ كەرەك. وسى ماقساتتا وتكەن جىلى بىرنەشە ماسەلەنىڭ سەبەپتەرىن انىقتاپ، شەشۋ ءۇشىن زەرتتەۋلەر جۇرگىزدىك، - دەيدى سپيكەر.

ۆەدومستۆو باسشىسى پرەزيدەنت تاپسىرماسىمەن حالىقتىڭ وسال توپتارىنا مەديتسينالىق كومەككە قولجەتىمدىلىگىن جەتىلدىرۋ، مەديتسينالىق كومەكتىڭ ءبىرىڭعاي پاكەتىن قالىپتاستىرۋ جۇمىستارى ءجۇرىپ جاتقانىن ايتۋدا.

بۇگىنگى تاڭدا قازاقستاندىقتاردىڭ %83 مىندەتتى الەۋمەتتىك مەديتسينالىق ساقتاندىرۋ جۇيەسىنە قوسىلعان. ولاردىڭ ىشىندە %72 مەملەكەت تاراپىنان قامتاماسىز ەتىلىپ وتىرعان وسال توپتارداعى ازاماتتار. اتالعان تۇرعىندار مەديتسينالىق كومەكتىڭ تولىق قولجەتىمدىلىگىنە يە. سونداي-اق، م ءا م س جۇيەسىن ەنگىزگەلى ەلىمىزدە مەديتسينالىق-دەموگرافيالىق كورسەتكىشتەر جاقسارعانى ايتىلدى.

2019 -جىلدان بۇگىنگە دەيىن اۋىلدىق دەنساۋلىق ساقتاۋ سالاسىن قارجىلاندىرۋ 3 ەسەگە (254 ميلليارد تەنگەدەن 776,6 ميلليارد تەڭگەگە دەيىن) ، جوعارى تەحنولوگيالىق مەديتسينالىق كومەكتى قارجىلاندىرۋ 2,7 ەسە ۇلعايىپ، تۇرعىندارعا جوعارى تەحنولوگيالى (پروتەزدەۋ، ستەنتتەۋ، اورتا كورونارلىق شۋنتتاۋ، ترانسپلانتاتسيا، ە ك ۇ) مەديتسينالىق كومەكتى قولجەتىمدى ەتتى.

− اتاپ ايتساق، جالپى ءولىمنىڭ %8 عا، ونىڭ ىشىندە نارەستە جانە انا ءولىمى تومەندەدى، ال كۇتىلەتىن ءومىر ءسۇرۋ ۇزاقتىعىنىڭ كورسەتكىشى 75 جاسقا ۇلعايدى، - دەدى ا. ءالنازاروۆا.

بۇگىن ءماجىلىس ءتوراعاسىنىڭ ورىنباسارى دانيا ەسپايەۆا ۇكىمەت ساعاتىندا ادامداردىڭ مەديتسينالىق قىزمەتتەردىڭ كورسەتىلۋىنە قاناعاتتانۋ دەڭگەيى تومەندەگەنىن، م ءا م س-كە قاتىستى بەرىلگەن ناقتى ۇسىنىستار ورىندالماي وتىرعانىن ايتقان ەدى.

اۆتور

ايجان سەرىكجان قىزى

سوڭعى جاڭالىقتار