قازاقستاندا ءتولقۇجات پەن جەكە كۋالىك جاساتۋ قۇنى وزگەردى

الماتى. KAZINFORM - قازاقستاندا 1- قاڭتاردان باستاپ ءتولقۇجات پەن جەكە كۋالىك جاساتۋ قۇنى ءوستى.

«ازاماتتارعا ارنالعان ۇكىمەت» مەملەكەتتىك كورپوراتسياسىنان ءمالىم ەتكەندەي، 2025 -جىلدان باستاپ ەلدە ايلىق ەسەپتىك كورسەتكىش 3932 تەڭگەگە ءوستى. وسىعان بايلانىستى مەملەكەتتىك قۇجاتتاردى دايىنداۋ قۇنى دا كوبەيدى.

ءتولقۇجات جاساتۋ قۇنى:

- 24 پاراق - 4 ا ە ك، ياعني 15728 تەڭگە (16 جاسقا دەيىنگى بالالار ءۇشىن)؛

- قولدانىستاعى 36 پاراق ءتولقۇجات قۇنى 8 ا ە ك ياعني، 31456 تەڭگەگە وسەدى.

- 48 پاراق - 12 ا ە ك، ياعني 47184 تەڭگە (ەرەسەكتەرگە) بولادى.

ءتولقۇجات ءوتىنىم بەرگەن كۇننەن باستاپ 15 جۇمىس كۇنى ىشىندە دايىندالادى. ءبىراق قازاقستاندىقتار قوسىمشا اقى تولەپ، ءتولقۇجاتتى تەزىرەك الۋىنا بولادى.

جەكە كۋالىك جاساتۋ قۇنى:

تۇرعىندار جەكە كۋالىك جاساتۋ ءۇشىن 0,2 ا ە ك نەمەسە 786,4 تەڭگە تولەۋى كەرەك. ءبىراق جەكە كۋالىگىن جوعالتىپ، ءبىر جىل ىشىندە ەكى رەتتەن ارتىق جاساتسا، 1 ا ە ك نەمەسە 3932 تەڭگە تولەيتىن بولادى.

جەدەلدەتىپ ازىرلەۋ مۇمكىندىگى

استانا، الماتى، شىمكەنت جانە اقتوبە قالالارى ءۇشىن: 1 جۇمىس كۇنىندە ازىرلەپ بەرۋ - 3372 تەڭگە، 3 جۇمىس كۇنىندە دايىنداپ بەرۋ ءۇشىن - 1771 تەڭگە تولەۋ كەرەك.

وبلىس ورتالىقتارى ءۇشىن: 3 جۇمىس كۇنى - 3372 تەڭگە. 5 جۇمىس كۇنى - 1771 تەڭگە.

اۋداندار مەن وبلىس قالالارى ءۇشىن: 7 جۇمىس كۇنى - 605,31 تەڭگە.

ايتا كەتەيىك، «2025-2027 -جىلدارعا ارنالعان رەسپۋبليكالىق بيۋدجەت» تۋرالى زاڭعا ساي، بيىل 1 ايلىق ەسەپتىك كورسەتكىش (ا ە ك) 3932 تەڭگە بولىپ بەكىتىلدى. بىلتىر ءبىر ا ە ك 3692 تەڭگە بولعان.