قازاقستاندا بيىل قىس قانداي بولادى؟
قازاقستاندا بيىل قىس ەرەكشە جىلى بولادى. مۇنداي قىس 20 جىلدان اسا ۋاقىتتان بەرى بولماعان. الايدا، سينوپتيكتەر مالىمەتىنشە، بۇل مۇلدە انوماليا ەمەس، - دەپ حابارلايدى Tengrinews.kz.
قازاقستاننىڭ كونسۋلتاتيۆتىك ماۋسىمدىق اۋا رايى بولجامىنا سايكەس 2023-2024 -جىلدارداعى قىس 2001-2002 -جىلدارداعى قىستىڭ سەناريىنە سايكەس كەلەدى، ياعني جاۋىن-شاشىن نورماعا جاقىن نەمەسە ودان دا كوپ جىلى بولادى.
«سۋىق كەزەڭدە رەسپۋبليكا اۋماعىندا اتلانتيكالىق ايماقتاردان جىلى جانە ىلعالدى اۋا ماسسالارىنىڭ ءجيى قوزعالۋى كۇتىلەدى. الداعى قىستا قازاقستان اۋماعىندا تەمپەراتۋرالىق فون باسىم 1-2 گرادۋسقا جوعارى بولادى دەپ بولجانعان. تەك جەلتوقساندا قازاقستاننىڭ باسىم بولىگىندە اۋا تەمپەراتۋراسى كليماتتىق نورما شەگىندە، ال ەلدىڭ سولتۇستىگى مەن شىعىسىندا نورمادان ءبىر گرادۋسقا تومەن بولادى دەپ بولجانعان»، - دەپ حابارلادى «قازگيدرومەت» ر م ك.
قاڭتار جانە اقپاندا جاۋىن- شاشىن رەسپۋبليكانىڭ باسىم بولىگىندە نورماعا جاقىن نەمەسە ودان جوعارى بولادى، جەلتوقساندا جاۋىن-شاشىن رەسپۋبليكانىڭ باسىم بولىگىندە نورماعا جاقىن، رەسپۋبليكانىڭ سولتۇستىك جارتىسىندا نورمادان تومەن بولادى دەپ بولجادى سينوپتيكتەر.
ناۋرىزدا قازاقستاندا اۋانىڭ ورتاشا ايلىق تەمپەراتۋراسى نورمادان ەكى گرادۋسقا جوعارى بولادى دەپ بولجانعان. ەلىمىزدىڭ باسىم بولىگىندە جاۋىن-شاشىن نورمادان جوعارى بولادى دەپ كۇتىلەدى.
