قازاقستاندا باسپانا الۋدا قولما-قول اقشاسىز ەسەپ ايىرىسۋ تەتىگى ۇسىنىلدى

استانا. KAZINFORM - «وتباسى بانك» اكسيونەرلىك قوعامىنىڭ باسقارما ءتورايىمى ءلاززات يبراگيموۆا قازاقستاندا باسپانا الۋ كەزىندە قولما-قول اقشاسىز ەسەپ ايىرىسۋدى ەنگىزۋ تەتىگى پىسىقتالىپ جاتقانىن ايتتى.

ونىڭ پايىمىنشا، ق ق س- تىڭ ۇلعايۋى قۇرىلىس بيزنەسىنە تۇسەتىن سالىق جۇكتەمەسىن رەتتەۋگە جانە كومپانيالاردىڭ جاساندى تۇردە ۇستاقتالۋىنا توسقاۋىل قويادى. بۇل تۇرعىدا قۇرىلىس بيزنەسىنىڭ اشىق بولۋىنا ەرەكشە ءمان بەرىلىپ، الدانعان ۇلەسكەرلەر ازايادى.

- مەنىڭ ويىمشا، قازىر ەكى باستاما وتە ماڭىزدى. بىرىنشىدەن، تۇرعىن ءۇي ساتىپ الۋ كەزىندە قولما-قول اقشاسىز ەسەپ ايىرىسۋدى ەسكەرۋ كەرەك. بۇل نارىقتى «كولەڭكەدەن» شىعارۋعا ايتارلىقتاي ىقپال ەتەدى. ەكىنشىدەن، تۇرعىن ءۇي ساتىپ الۋ كەزىندە ق ق س ەنگىزۋ نارىقتىڭ اشىق بولۋىنا اكەلەدى، - دەدى «وتباسى بانك» باسشىسى سەناتتا تىلشىلەر سۇراعىنا جاۋاپ بەرە وتىرىپ.

بۇدان بۇرىن حابارلانعانداي، «وتباسى بانك» اكسيونەرلىك قوعامىنىڭ باسقارما ءتورايىمى ءلاززات يبراگيموۆا سەناتتا ءوتىپ جاتقان پارلامەنتتىك تىڭداۋدا جۇمىسكەر «ناۋرىز جۇمىسكەر» باعدارلاماسى قاشان باستالاتىنىن ايتتى.