قازاقستاندا بانكتەر جاڭا ادىسپەن قىزمەت كورسەتەدى

استانا. KAZINFORM - قازاقستاندا بانك قىزمەتىن ۇسىنۋ قاعيدالارىنا وزگەرىستەر ازىرلەندى. ءتيىستى قۇجاتتى قارجى نارىعىن رەتتەۋ جانە دامىتۋ اگەنتتىگى جاريالادى.

قۇجات تۇتىنۋشىلاردىڭ قۇقىعىن قورعاۋ تۋرالى زاڭدى ىسكە اسىرۋ ماقساتىندا ازىرلەنگەن.

قاۋلى جوباسىندا مىنا جاعدايلار قاراستىرىلعان:

مۇگەدەكتىگى بار جانە قوزعالىسى شەكتەۋلى ازاماتتار ءۇشىن بانك قىزمەتتەرىنىڭ قولجەتىمدىلىگىن قامتاماسىز ەتۋ جونىندەگى مىندەتتى شارالار، ۇلتتىق ستاندارتقا سايكەس؛

بانك سايتىندا قارىزدار بويىنشا اي سايىنعى تولەمدەردى ەسەپتەيتىن كالكۋلياتور ورنالاستىرۋ؛

تولەمدەر مەن اۋدارىمدار تاريفتەرىنىڭ وزگەرىسى تۋرالى كليەنتتەرگە كەمىندە 3 اي بۇرىن حابارلاۋ؛

كليەنتتەردىڭ وتىنىشتەرىن قاراۋ مەرزىمدەرىن بەلگىلەۋ.

سونداي-اق، نورماتيۆتىك اكتىنىڭ اتاۋىنا وزگەرىستەر ەنگىزۋ جوسپارلانعان.

بۇل نورمالار ءالى كۇشىنە ەنگەن جوق. قاۋلى جوباسى 21-شىلدەگە دەيىن «اشىق ن ق ا» پورتالىندا كوپشىلىك تالقىلاۋىندا بولادى.