قازاقستاندا بالىق اۋلاۋعا ليميت قويىلدى
استانا. KAZINFORM - اۋىل شارۋاشىلىعى مينيسترلىگى 2025-جىلعى 1-شىلدە مەن 2026-جىلعى 1-شىلدە ارالىعىندا بالىق جانە باسقا دا سۋ جانۋارلارىن اۋلاۋعا ليميتتى بەكىتۋ تۋرالى قاۋلىعا وزگەرىستەر مەن تولىقتىرۋلار ەنگىزدى. قۇجات جوباسى «اشىق ن ق ا» پورتالىندا جاريالاندى.
بالىق اۋلاۋ شەگى كەلەسى وزەندەر مەن سۋ قويمالارىندا قويىلدى:
- جايىق-كاسپي باسسەينىندە اتىراۋ، باتىس قازاقستان جانە ماڭعىستاۋ وبلىسىنىڭ اۋماعىندا بالىق اۋلاۋ ليميتى - 51267,6 توننا. بۇل كولەمگە بەكىرە تۇقىمداس بالىقتارعا قاتىستى، ياعني قورىتپا، ورىس بەكىرەسى، سۇيرىك، پىلماي، شوقىر، سونداي-اق كوكسەركە، سازان، شورتان، اق امۋر، اقمارقا جانە باسقا بالىق ءتۇرى بار؛
- الماتى، قاراعاندى جانە جامبىل وبلىستارىنىڭ اۋماعىنداعى بالقاش كولىندە بالىق اۋلاۋ ليميتى - 10008 توننا. اۋلاۋعا بولاتىن بالىقتار قاتارىندا تابان، كوكسەركە، كوكجارعان، شاباق، جايىن، جىلانبالىق جانە قارابالىق بار؛
- ىلە وزەنى مەن وعان ىرگەلەس سۋ ايدىندارىندا بالىق اۋلاۋعا رۇقسات ەتىلگەن ليميت - 152,47 توننا. اتاپ ايتقاندا، تابان، كوكسەركە، كوكجارعان، شاباق، جايىن، قارابالىق، اق امۋر، جىلانبالىق، بەرىش، سازان، موڭكە، اقمارقا كىرەدى؛
- الاكول جۇيەسىنە كىرەتىن الاكول، قوشقاركول جانە ساسىقكول كولىندە 1451,7 توننا كولەمىندە بالىق اۋلاۋعا رۇقسات بەرىلدى. مۇندا تابان، الابۇعا، قارابالىق، قىزىلقانات، سازان جانە شاياندار بار؛
- قاپشاعاي سۋ قويماسىندا بالىق اۋلاۋ ليميتى 1399,6 توننا بولىپ بەلگىلەندى. وندا تابان، كوكسەركە، سازان، كوكجارعان، جايىن، اق امۋر، اقمارقا، شاباق، قارابالىق، جىلانبالىق مەكەندەيدى؛
- شىعىس قازاقستان جانە اباي وبلىسىنىڭ اۋماعىنداعى بۇقتىرما سۋ قويماسىندا 3160,5 توننا بالىق اۋلاۋعا بولادى. مۇندا تابان، قىزىلقانات، الابۇعا، كوكسەركە، شورتان، پايدابالىق، كوكشۇبار، موڭكە، سازان جانە باسقا دا تۇرلەر كەزدەسەدى.
سونداي-اق ليميت كەلەسى سۋ ايدىندارى ءۇشىن دە بەلگىلەندى:
- جايسان كولى؛
- ەرتىس وزەنىندەگى ءشۇلبى سۋ قويماسى؛
- وسكەمەن سۋ قويماسى؛
- ەرتىس وزەنى؛
- ارال تەڭىزى (ۇلكەن جانە كىشى)؛
- سىرداريا وزەنى؛
- شاردارا سۋ قويماسى؛
- ەسىل وزەنى؛
- سىلەتى وزەنى؛
- توبىل وزەنى؛
- نۇرا وزەنى؛
- قانىش ساتبايەۆ اتىنداعى كانال؛
- وڭىرلىك ماڭىزى بار بالىق شارۋاشىلىعى سۋ ايدىندارى.
ايتا كەتسەك، باعالى شايان اۋلايتىن پاۆلودارلىق كاسىپكەرلەر ليميتسىز قالۋى مۇمكىن ماسەلەسىن كوتەرگەن ەدىك.
وتكەن ايدا اتىراۋدا جايىق وزەنىنە بەكىرەنىڭ 2,1 ميلليون شاباعى جىبەرىلدى.
