قازاقستاندا بالانى جاڭا مەكتەپكە اۋىستىرۋ ەرەجەسى وزگەردى

استانا. KAZINFORM - قازاقستاندا بالانى جاڭا مەكتەپكە اۋىستىرۋ ەرەجەسى وزگەرتىلدى. بۇل تۋرالى Stan.kz اقپارات اگەنتتىگى حابارلايدى.

جاڭا ەرەجە تۋرالى وقۋ-اعارتۋ مينيسترلىگى مالىمدەدى.

«وقۋشىنى مەكتەپتەن مەكتەپكە تەك دەمالىس كەزىندە كوشىرۋ تۋرالى شەكتەۋ الىنىپ تاستالدى. وسىلايشا، جاڭا ەرەجەگە سايكەس، بالالاردى وقۋ جىلى ىشىندە دە تۇرعىلىقتى جەرى بويىنشا مەكتەپتەن مەكتەپكە اۋىستىرۋ مۇمكىندىگى بار»، - دەلىنگەن مينيسترلىك حابارلاماسىندا.

ەسكە سالساق، قازاقستاندا 1-ساۋىردەن باستاپ وسى جىلى ءبىرىنشى سىنىپقا مەكتەپ وقۋشىلارى ءۇشىن قۇجات قابىلداۋ باستالدى. وتىنىشتەر ەلەكتروندى فورماتتا eGov.kz ەلەكتروندى ۇكىمەت پورتالى جانە «ە-ءبىلىمال» جۇيەسى ارقىلى قابىلدانادى.