قازاقستاندا ب ۇ ۇ تۇراقتى دامۋ ماقساتتارى قالاي ىسكە اسىپ جاتىر

تۇراقتى دامۋ ماقساتتارى جونىندەگى ۇيلەستىرۋ كەڭەسىنىڭ 7-وتىرىسىندا ب ۇ ۇ- نىڭ ت د م سالاسىنداعى قازاقستاننىڭ ۇلتتىق ينديكاتورلارىن وزەكتەندىرۋ ماسەلەلەرى تالقىلاندى، دەپ حابارلايدى primeminister.kz.

ق ر پرەمەر-ءمينيسترى ءاليحان سمايىلوۆتىڭ توراعالىعىمەن وتكەن تالقىلاۋعا ورتالىق مەملەكەتتىك ورگانداردىڭ باسشىلارى، ب ۇ ۇ، ب ۇ ۇ د ب جانە ەۋروپالىق وداق وكىلدەرى قاتىستى.

بۇگىنگى تاڭدا ۇلتتىق ينديكاتورلارعا تەكسەرىس جۇرگىزىلىپ، ولاردىڭ كەيبىرىنىڭ مارتەبەسىن قايتا قاراۋ قاجەتتىگى اتاپ ءوتىلدى.

اتاپ ايتقاندا، وزەكتى ينديكاتورلار ساناتىنا بارلىق ۆاكسينالارمەن يممۋنداۋمەن قامتىلعان ازاماتتاردىڭ ۇلەسى، ايەلدەرگە قاتىستى تۇرمىستىق زورلىق-زومبىلىق فاكتىلەرى، پارنيكتىك گازدار شىعارىندىلارىنىڭ كولەمى بويىنشا جانە ت. ب. كورسەتكىشتەردى قوسۋ ۇسىنىلادى.

بۇل قازاقستاننىڭ تۇراقتى دامۋ ماقساتتارىنا قول جەتكىزۋ جونىندەگى جۇمىسىنىڭ تيىمدىلىگىن ارتتىرۋعا مۇمكىندىك بەرەدى.

سونىمەن قاتار وتىرىستا تدم ينديكاتورلارىن قر ستراتەگيالىق باعدارلامالارى مەن قۇجاتتارىنا قوسۋ، سونداي-اق ولاردى رەسپۋبليكا وڭىرلەرىندە لوكاليزاتسيالاۋ جانە ەنگىزۋ ماسەلەلەرى تالقىلاندى.

ءاليحان سمايىلوۆ تۇراقتى دامۋ ماقساتتارىنا قول جەتكىزۋ ۇزدىك حالىقارالىق ستاندارتتاردى ەنگىزۋ ارقىلى حالىقتىڭ ءومىر ءسۇرۋ ساپاسىن ارتتىرۋعا باعىتتالعانىن اتاپ ءوتتى.

«وتكەن جىلدىڭ قىركۇيەك ايىندا مەملەكەت باسشىسى قاسىم-جومارت توقايەۆ تۇراقتى دامۋ ماقساتتارى جونىندەگى بۇۇ سامميتىنە قاتىستى. پرەزيدەنت ءوز سوزىندە ت د م- عا قول جەتكىزۋ ءبىز ءۇشىن ۇلتتىق باسىمدىق بولىپ تابىلاتىنىن اتاپ ءوتتى. سول سەبەپتى ءبىز نەعۇرلىم ادىلەتتى جانە ورنىقتى الەمگە ۇمتىلۋ جولىندا مۇشە مەملەكەتتەردىڭ بارلىعىمەن ىنتىماقتاسۋعا ءارقاشان دايىنبىز»، - دەدى پرەمەر-مينيستر.

ۇكىمەت باسشىسى ت د م بويىنشا وسىنداي سەسسيا استاناداعى حالىقارالىق ەكونوميكالىق فورۋم اياسىندا دا وتكىزىلگەنىن ەسكە سالدى.

سونداي-اق جەكەلەگەن وڭىرلەردە ت د م- نى لوكاليزاتسيالاۋ بويىنشا سەمينارلار ءوتتى.

تالقىلاۋ قورىتىندىسى بويىنشا ۇيلەستىرۋ كەڭەسى 2024-جىلعا ارنالعان ت د م- نى ىسكە اسىرۋ جونىندەگى شارالار جوسپارىن بەكىتتى.

پرەمەر-مينيستر مەملەكەتتىك ورگاندارعا ونىڭ ۋاقىتىلى جانە ساپالى ورىندالۋىن قامتاماسىز ەتۋدى تاپسىردى.

«بۇگىن ءبىز ناقتى تاپسىرمالار قويدىق، ولاردى جىل بويى كەزەڭ-كەزەڭمەن ورىنداۋ كەرەك»، - دەپ تۇيىندەدى ۇكىمەت باسشىسى.

ايتا كەتەيىك، بىرىككەن ۇلتتار ۇيىمى 2015-جىلى جالپىعا بىردەي كەدەيلىك پەن تەڭسىزدىكتى جويۋ، قورشاعان ورتانى قورعاۋ، عالامشار حالقىنىڭ وركەندەۋىن قامتاماسىز ەتۋ جونىندەگى ءىس-قيمىلدارعا شاقىرۋ ماقساتىندا تۇراقتى دامۋ ماقساتتارىن قابىلدادى.

بارلىعى 17 باعىت انىقتالدى، ولاردى ىسكە اسىرۋ ەكونوميكا مەن الەۋمەتتىك ءومىردىڭ نەگىزگى سالالارىنىڭ دامۋىنا ىقپال ەتپەك.

ب ۇ ۇ جانە ق ر ۇكىمەتى وكىلدەرى ت د م جەتىستىكتەرىنە مونيتورينگ جۇرگىزىپ، تۇراقتى باقىلاۋدا ۇستاپ وتىر.