قازاقستاندا ايۋ مەن قاسقىردى اتۋعا قاتىستى ليميت وزگەرۋى مۇمكىن

استانا. KAZINFORM – ق ر ەكولوگيا جانە تابيعي رەسۋرستار ۆيتسە-ءمينيسترى نۇركەن شاربيەۆ ش ق و اۋماعىندا ايۋ، قاسقىر جانە قابان سانىنىڭ ارتۋىنا قاتىستى تۇسىنىك بەردى.

ايتا كەتەيىك، جاقىندا سەناتور قايرات تاستەكەيەۆ اتالعان اڭ تۇرلەرىنىڭ سانىن رەتتەۋگە قاتىستى دەپۋتاتتىق ساۋال جولداعان ەدى.

- جەكەلەگەن اۋىلدى وكرۋگتەردە مالدى تالاعان جاعدايلارى بولدى. شىعىس قازاقستان وبلىسىندا اڭداردىڭ سانىن قاداعالايتىن ارناۋلى ۇيىم بار. سونىڭ اراسىندا قابان سانىن دا رەتتەيدى. سونىمەن قاتار، قاسقىرلار سانى دا رەتتەلىپ تۇرادى. قاجەت بولعاندا، ياعني قاۋىپ تونسە، ليتسەنزيالار بەرىلىپ، اڭ اۋلاۋعا رۇقسات ەتىلەدى. ليميتتەر جىل سايىن ساناقتاردىڭ نەگىزىندە بەلگىلەنەدى، - دەدى ن. شاربيەۆ سەناتتا تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، ايۋ پوپۋلياتسياسىنىڭ جىلدىق ءوسىمى شامامەن 50 پايىزدى قۇرايدى. شىعىس قازاقستان وبلىسىندا ايۋلار جويىلىپ بارا جاتقان تۇرلەردىڭ تىزىمىندە جوق، ولاردىڭ سانى شامامەن 4,5 مىڭ شاماسىندا.

بۇدان بۇرىن حابارلانعانداي، قازاقستاندا سيرەك كەزدەسەتىن جانۋارلار تىزىمىنە تاعى 11 ءتۇرى ەنگىزىلمەك.

ەلىمىزدە قار بارىسىنىڭ سانى قانشالىقتى ارتقانى مالىم بولدى.