قازاقستاندا ۆاگون ءوندىرىسى ايتارلىقتاي ءوستى

استانا. KAZINFORM - وسى جىلدىڭ العاشقى ءتورت ايىندا تەمىرجول كولىگى ءوندىرىسىنىڭ ەدۋاىر ءوسىمى بايقالدى. ماسەلەن، 2024 -جىلدىڭ قاڭتار- ءساۋىر ايلارى ارالىعىندا ديزەل لوكوموتيۆتەرىنىڭ ءوندىرىسى 20 بولدى، بۇل وتكەن جىلدىڭ سايكەس كەزەڭىمەن سالىستىرعاندا 2 ەسە كوپ.

سونىمەن قاتار، ۆاگوندار ءوندىرىسى ءوستى.

وسى جىلدىڭ العاشقى ءتورت ايىندا 50 تەمىرجول، ترامۆاي، وزدىگىنەن جۇرمەيتىن، جولاۋشىلار، باگاج جانە باسقا دا ارنايى ماقساتتاعى ۆاگوندار شىعارىلدى.

بۇل وتكەن جىلدىڭ قاڭتار- ءساۋىر ايلارىمەن سالىستىرعاندا 8,3 ەسە كوپ.

سونداي-اق، 2024 -جىلدىڭ قاڭتار- ءساۋىر ايلارىندا 400 جۇك ۆاگونى ءوندىرىلدى، ال وتكەن جىلدىڭ ءتيىستى كەزەڭىندە بارلىعى 9 ۆاگون عانا قۇراستىرىلعان.

اۆتور
جانات قاپالبايەۆا