قازاقستاندا اۆتوبۋس جۇرگىزۋشىسى ماماندىعى بويىنشا ءبىلىم الۋشىلار 20 ەسەگە ازايعان
استانا. KAZINFORM - 2014 -جىلعا دەيىن D ساناتى بويىنشا 3 جىل كولەمىندە 84 مىڭ ادام وقىعان. كەيىن تالاپتار قاتاڭداتىلىپ، ماماندىققا دەگەن قىزىعۋشىلىق كۇرت تومەندەگەن.
بۇل تۋرالى ق ر كولىك ءمينيسترى مارات قارابايەۆ قونايەۆ قالاسىندا وتكەن تۇرعىندارمەن كەزدەسۋدە ايتتى.
«ءبىرىنشى جارتىجىلدىقتا ءماجىلىس ءبىز ۇسىنعان وزگەرتۋلەرگە قولداۋ كورسەتىپ، تامىز ايىنا دەيىن ماسەلە تۇبەگەيلى شەشىلەدى دەپ ۇمىتتەنەمىز. اتاپ ايتقاندا، جاس كورسەتكىشى 23 جاسقا دەيىن ازايىپ، D1 ساناتى ءۇشىن جۇرگىزۋشى وتىلىنە قويىلاتىن تالاپ 3 جىلدان 1 جىلعا دەيىن تومەندەيدى. تالداۋ جۇمىستارى كورسەتىپ وتىرعانداي، 2014 -جىلعا دەيىن D ساناتى بويىنشا 3 جىل كولەمىندە 84 مىڭ ادام وقىعان. تالاپتار قاتاڭداتىلعاننان كەيىن اۆتوبۋس جۇرگىزۋشىسى بىلىكتىلىگى بويىنشا وقيتىنداردىڭ سانى 4 مىڭ ادامعا دەيىن قىسقارعان. بۇل وتە از»، - مارات قارابايەۆ.
مينيستر مۇنىمەن ماسەلە تولىقتاي شەشىلمەيتىنىن، دەسە دە العىشارتتارى بار ەكەنىن اتاپ ءوتتى.
