قازاقستاندا «اتلەتيكو مادريد» فۋتبول اكادەمياسى اشىلادى

Глава государства принял президента футбольного клуба «Атлетико Мадрид» Энрике Сересо Торреса.
Фото: Акорда

استانا. KAZINFORM - مەملەكەت باسشىسى «اتلەتيكو مادريد» فۋتبول كلۋبىنىڭ پرەزيدەنتى ەنريكە سەرەسو توررەستى قابىلدادى. پرەزيدەنتكە ەلىمىزدە «اتلەتيكو مادريد» فۋتبول اكادەمياسىن اشۋ جوباسى تانىستىرىلدى.

قاسىم- جومارت توقايەۆ يسپانيالىق كلۋبتىڭ فۋتبول الەمىندەگى بەدەلى زور ەكەنىن اتاپ ءوتىپ، قازاقستاندا سپورتتىڭ وسى ءتۇرىن دامىتۋعا جانە تاجىريبە الماسۋعا قىزىعۋشىلىق تانىتقانى ءۇشىن ەنريكە سەرەسو توررەسكە العىس ءبىلدىردى.

مەملەكەت باسشىسىنىڭ ايتۋىنشا، قازاقستاندا فۋتبولدى دامىتۋعا ايرىقشا نازار اۋدارىلادى.

قازىر ەلىمىزدەگى سپورت مەكتەپتەرىندە، فۋتبول سەكتسيالارىندا 40 مىڭعا جۋىق بالا جاتتىعادى.

سونداي- اق ينفراقۇرىلىم جاقسارتىلىپ، جاڭا ستاديوندار سالىنۋدا.

Глава государства принял президента футбольного клуба «Атлетико Мадрид» Энрике Сересо Торреса
Фото: Акорда

قاسىم- جومارت توقايەۆ فۋتبولدى دامىتۋعا باعىتتالعان بۇل باستاماعا مەملەكەت جان- جاقتى قولداۋ كورسەتۋگە دايىن ەكەنىن ايتتى.

ەنريكە سەرەسو توررەس «اتلەتيكو مادريد» فۋتبول اكادەمياسى الەمنىڭ كوپتەگەن ەلىندە اشىلعانىن جەتكىزدى.

اكادەميادا دارىندى فۋتبولشىلاردى تاربيەلەۋمەن قاتار، ولاردى الەمدىك فۋتبول ليگالارىنا شىعارۋ ءۇشىن ۇزدىك تاجىريبەلەردى ەنگىزۋگە، جاتتىقتىرۋشىلار مەن تالىمگەرلەردىڭ بىلىكتىلىگىن ارتتىرۋعا ءمان بەرىلەدى.

атлетико мадрид
Фото: Ақорда

«اتلەتيكو مادريد» فۋتبول اكادەمياسى الماتى وبلىسى تالعار قالاسىنداعى «Akbulak» وليمپيادا ورتالىعىنىڭ بازاسىندا قۇرىلماق.

كەزدەسۋ سوڭىندا ەنريكە سەرەسو توررەس قاسىم-جومارت توقايەۆقا «اتلەتيكو مادريد» ويىنشىلارىنىڭ قولتاڭباسى قويىلعان جەيدە سىيلادى.

سوڭعى جاڭالىقتار